Aruba: Mas hende a recupera di COVID19, pero a registra otro morto

ORANJESTAD – Aruba a raporta 14 caso positivo nobo local di COVID19, cu ta un aumento di 12 caso compara cu diadomingo cu tabatin apenas 3 caso (local), y e cantidad di morto di COVID19 a aumenta cu 1 mas, pa un total di 31. Tene na cuenta si cu den fin di siman ta custumber caba cu ta test menos hende. Di otro banda, mas persona ta sigui recupera, un total di 80 persona awe a recupera. E total di casonan activo a baha cu 66 persona y ta na 451 awe, total di testnan haci ta 206, testnan haci bou di residentenan na laboratorio di hospital ta 54 y total di caso di fayecimento relata na Covid-19 ta aumenta na 31, condolencia na famianan.

HOSPITAL

Hospital ta informa cu tin un total di 31 persona interna di cual 9 ta den cuido intensivo y 22 ta isola riba piso general.