Atrobe partinan di Watty Vos Boulevard tabata bou di awa

ORANJESTAD – Despues di un palo di awa cu a cay diasabra mainta, atrobe partinan di Watty Vos Boulevard tabata bou di awa, cu consecuencia cu mester a cera esakinan pa por a haci nan traficabel atrobe. Cierto parti tabata e direccion pa bay rumbo hotel, y e otro tabata rumbo pa aeropuerto. Hecho cu ta di dos pa tres biaha caba cu ora cu tin yobida asina, cu e boulevard nobo aki ta sufri. E problema segun esnan cu tabata haci trabou di limpiesa, ta cu e acera di santo mei mei di e boulevard, ta basha bin abou y plama riba e caminda, creando un piscina yena cu lodo. Esey ta pone cu e caminda no ta traficabel. E ora mester a usa pomp pa saca e awa y despues bari tur e lodo y kita esaki di caminda. Un trabou cu por dura un pa dos dia segun esnan cu ta encarga cu e trabou.