Varios trahado di hospital na cas, contagia cu COVID19 sin cu ta na culpa

ORANJESTAD – Hospital Horacio Oduber tin falta di personal medico, falta di espacio, y pa completa e obra, pashentnan ta no ta sincero riba nan situacion medico di e.o. COVID19. Asina un enfermero di Eerste Hulp, Zulaica Tromp ta conta den un video cu hospital mes a traha. Aki den, e informacion ta hopi actualisa, y ta pone e situacion real den perspectiva pa un hende cu no tin conocemento di e material. 

E SITUACIONE enfermera Tromp ta bisa realidadnan cu por ta nos no por y kier kere. Cu ta nos mesun hendenan ta pone cu e situacion por y ta empeora na hospital mes. Manera cu no tabata suficiente cu no tin suficiente personal, awor tin menos debi cu un grupo di medico, entre nan dokter y verpleegsters, ta malo na cas, contagia cu COVID19. Esaki door cu nan a keda contagia pa personanan cu a bira pashent na hospital, pero cu a opta inicialmente pa no ta honesto y divulga cu nan tin simptoma di COVID19, of pio ainda, nan ta positivo pa COVID19. Asina Tromp ta sigui conta. 

GAÑA

Segun Tromp, e personanan ta bin eerste hulp, no ta duna informacion real of e berdad di nan situacion durante e periodo cu nan ta pasa den e triage (e seccion cu ta determina e urgencia di trata e persona en cuestion).  Aki, segun Tromp, nan no ta duna e detaye ey cu nan tin simptoma y of confirma cu nan ta positivo y ta pasa asina pa e siguiente parti di e proceso pa wordo ‘gechecked’ medicamente. Mientrastanto, e persona a pasa y drenta den contacto cu un cantidad di persona, cu tur awor tin e chens di a keda contagia tambe.