Sagicor cu donacion na famianan cu ta ricibi sosten di FPNC

ORANJESTAD - Ora cu e crisis di e virus COVID-19 a dal nos region di Caribe, Gerencia di Sagicor a pone disponible un suma di $1,000,000 dollar pa hasi donacion na organizacionnan cu ta sostene e victimanan y e lucha contra e virus. Sagicor Aruba a keda satisfecho di e hecho aki y a anuncia caba cu e institucionnan cu a ricibi e donacion:  

Fundacion Pa Nos Comunidad 

Casa Cuna 

Imeldahof 

Centro Kibrahacha 60+ 

Nan a haña nan fondonan pa nan projectonan, sosteniendo e victima nan di e crisis di Covid. A resta un suma di Afl. 5000,- cu Sagicor Life Aruba NV lo usa pa hasi e donacion di tankinan di gas na famia cu por cushina cu ne. Awor hopi famia ta haya pakete di cuminda pero e nan no tin budget pa cumpra un tanki di gas pa cushina e alimentonan. Fundacion pa Nos Comunidad lo parti e 100 vouchers aki entre famianan cu ta bin na remarka pa e tanki di gas. Sagicor a colabora hunto cu Arugas y Fundacion Pa Nos Cumindad pa logra esaki. Hunto nos lo supera!