Positivity rate di casonan di COVID19 na Aruba ta sigui aumenta

ORANJESTAD – Pa di 4 dia sigui, e positivity rate (casonan di esnan cu ta test positivo vs e cantidad di hende cu a test) a subi, y a yega casi 40% (39%). E maximo algun siman pasa tabata 45%. Gobierno y Crisis team sinembargo ta midi esaki pa siman, y aki e ta mustra segun nan, cu e positivity rate ta bahando. E total di caso nobo positivo tabata 28, vs 71 test cu a tuma lugar na hospital. Segun resumen di awe por tuma nota cu 89 persona mas a recupera, total di activonan a baha cu 61 persona y ta na 810 awe, total di testnan haci ta 309, testnan haci bou di residentenan na laboratorio di hospital ta 71 y total di caso di fayecimento relata na Covid-19 ta keda mescos, 25.

HOSPITAL

Hospital ta informa cu tin un total di 44 persona interna di cual 13 ta den cuido intensivo y 31 ta isola riba piso general.