Gabinete Rutte cu medidanan extra pa combati COVID19 na Hulanda

DEN HAAG – Gobierno Hulandes dialuna a anuncia medidanan nobo relaciona cu e aumento di caso di coronavirus. Ta trata di hopi medida di limitacion. Entre nan, publico no ta permiti na competencianan deportivo, y negoshinan den Randstad por pidi clientenan pa bisti un tapaboca. Restaurant y cafenan clientenan mester bandona e lugar maximo10’or di anochi. Ministernan Rutte y de Jongh a anuncia e medidanan nobo aki. 

TEMPO

A pensa cu lo por a wanta e medidanan pa despues, pero mirando e brote grandi atrobe, e situacion a resulta mas serio cu anticipa. Como tal medidanan fuerte tabata necesario. Un di e debatenan mas hopi tabata riba e uso di tapaboca. A dicidi finalmente cu na areanan comercial na Amsterdam, Rotterdam y Den Haag, por impone un regla di bisti tapaboca. Si clientenan nenga di bisti un tapaboca, por prohibi nan, e entrada. Segun Rutte, e pakete di medida tin consecuencia economico negativo. Pero, mester a tuma e medidanan aki.