KPA: Negoshinan ta kibra regla di COVID-19 dilanti polis

MACUARIMA – Negoshinan na Aruba aparentemente no ta cumpliendo cu e reglanan di COVID19 y ta opta pa kibra esaki dilanti polis, of den presencia di polis. Asina un relato di polis ta bisa diadomingo. Segun KPA, pa por frena COVID-19 di sigui plama tin varios regla ancra pa ley dor di un MR (Ministeriele regeling) cu a bin na vigor den e crisis aki.  Polis conhuntamente cu DVG ta activo controlando tur negoshi pa nan por cumpli cu tur e reglanan aki. E reglanan aki ta pa salvarguardia tur persona cu ta drenta un localidad habri of cera pa nan propio seguridad. 

E controlnan tabata dirigi riba supermercado, bar, restaurant, kioskonan y casino.

KEN A HAYA MULTA?

Yen Yen bar & restaurant a haya un multa pa no sigui e reglanan di tapa boca. Esaki despues cu polis y DVG a duna nan un aviso pero na dado momento a sigui acepta persona drenta e localidad dilanti polis sin haci uso di e tapa boca.

Localidadnan cu a haya un aviso pa motibo di distanciamento social, of pa tapa boca ta:

Marriott hotel & casino, Tandoori, Daniel’s restaurant, Azia restaurant, y Gianny’s restaurant.

Localidadnan cu no a cumpli cu orario di ciere di 09:00pm y a haya nan prome aviso:

Tur kiosk na South Beach centre, South Beach club y Hooters.

Localidad nan cu a cumpli cu reglanan tabata: Ling and Sons supermarket, Barcelo hotel and casino, Hilton Hotel & casino, Craft, Saloon y Fermin’s bar & restaurant. E negoshi nan aki a cumpli tur e reglanan na momento cu polis y DVG a controla.

Cuerpo Policial Aruba y DVG lo sigui haci nan control estricto riba tur negoshi pa nan por cumpli cu tur e reglanan pa combati COVID-19. No cumpli cu esaki por haya cu abo como comerciante por haya un multa innesecario.