Aumento di contagio di COVID19 na Aruba ta afectando bishitantenan di Merca

TOPEKA (Kansas, USA) – E aumento recien di contagio di COVID19 na Aruba a cuminsa afecta biahamento for di Merca. Por lo menos un estado a haye ta adapta su reglanan awor, debi na e aumento aki. E departamento di salud di e estado Mericano di Kansas, a añadi Aruba bek, riba e lista di cuarentena obligatorio. Aruba tabata riba e lista anteriormente pero a wordo kita dia 10 di September ultimo. Pero, mirando cu e cantidad di contagio a aumenta atrobe den e ultimo dos siman, a dicidi cu ta bolbe pone Aruba riba e lista entrante 24 di September ultimo.

CUARENTENA

E lista ta rekeri pa tur persona di Kansas y bishitante cu a bishita Aruba riba of despues di 24 di September ultimo, mester bay den cuarentena pa dos siman ora cu nan bolbe Kansas. Fuera di e regla ey, tin mas manerea esnan cu a participa na reunion di mas di 500 hende cu no tabata distancia nan mes corectamete, y tabata riba un bapor crucero riba of despues di 15 di maart ultimo.