A test menos hende atrobe pa COVID19 cu menos caso positivo

ORANJESTAD – E cantidad di testnan haci ta birando menos, y esaki consecuentemente tambe ta nifica menos casonan positivo. Esaki sinembargo no kier men cu e casonan ta bahando, ya cu ta mucho tempran pa bisa esaki cu certesa. Berdad ta cu esnan envolvi cu esaki tin e tendencia di conclui hopi lihe cu esaki kier men cu cos ta birando miho. Pero, esaki por ta pasobra menos hende a test, debi cu tabatin menos test disponibel. Pues menos test, kier men menos hende lo sali positivo. Y segun e protocol aworaki, hendenan ta wordo getest segun nan haya cita. Diahuebs DVG a raporta apenas 35 caso positivo nobo, pero tambe cu a haci apenas 177 test local. Pues no ta necesariamente kier men cu tin menos hende cu tin coronavirus, sino cu menos hende a test. Esaki mesora ta haci e positivity rate menos (20%), aunke ainda e ta 4 biaha mas halto cu e mester ta. Total di activonan a baha cu 128 persona y ta na 1067 awe, total di testnan haci ta 255, testnan haci bou di residentenan na laboratorio di hospital ta 177 y total di caso di fayecimento relata na Covid-19 ta keda mescos, 25.

HOSPITAL

Hospital ta informa cu tin un total di 36 persona interna di cual 11 ta den cuido intensivo y 25 ta isola riba piso general.