Wever: Bononan a genera suficiente pa cubri gasto di September y October

ORANJESTAD – Gobierno di Aruba a ricibi suficiente placa di e bononan cu a wordo subasta. “Esey kier men cu nos a haya e fondonan cu mester pa September y October”. Asina prome minister Evelyn Croes a bisa riba su pagina di Facebook, (y cu despues a keda comparti pa resto di e gabinete). E mandatario no a bisa cuanto placa (e maximo tabata 400 miyon), y a referi na e minister di Finanza cu a priminti di bin cu algo despues. 

BONO

E bononan a keda emiti recientemente y tabatin te dia 25 di September (mayan) pa esaki keda cla. Gobierno a pone un maximo di 400 miyon florin y un minimo di 60. E tin un interes di 5.3.% riba 7 aña di tempo. A saca bono di tanto 60 miyon florin y dollar, y tabatin mester di casi 200 miyon pa cubri un buraco cu a surgi, debi cu no a haya placa di Hulanda ainda y a opta pa no paga cierto instancianan pa por a usa e placa pa paga su debenan mas urgente. Awor e debenan cu no a wordo paga, mester wordo cubri.