Albertus: Scol Paso pa Futuro no ta muda e aña escolar aki mas

ORANJESTAD – E scol Paso pa Futuro lo no muda pa un otro caminda. Por lo menos no e aña escolar aki. Asina presidente di sindicato Simar Josephine Albertus a bisa noticiacla. Esaki ta un di e puntonan cu a logra durante nan combersacion cu minister di enseñansa Rudy Lampe diaranson atardi. Dos docente, 2 mayor y sindicato y e minister a papia ayera pa wak con leu por resolve problemanan pendiente. 

MUDANSA

Si tabatin duda atrobe (despues cu anteriormente a bay di acuerdo pa no muda mas) cu e asunto di mudansa, diaranson ‘atrobe’, minister lo a duna toezegging cu no ta muda e scol mas y fin di e aña escolar lo evalua e cantidad di alumno y e posibilidadnan cu tin pa un otro edificio. “Pero nos a keda palabra cu minister cu e edificio mester ta uno miho cu nan tin aworaki. No un edificio unda cu nan ta bay atras” Albertus a bisa. 

MANAGER

Riba e parti unda cu kier cambia e cabesante pa un manager, SIMAR no a yega na acuerdo ainda. Segun Albertus, e manager aki a haya e posicion sin un contract, of sin solicitud y esey ta straño segun Albertus. Ta bezig ainda pa keda cla cu esey. 

ZITTENBLIJVERS

Pa loke ta e 15 alumnonan di 6e klas cu a keda sinta, no por a yega na un consensus cu e minister. Ta bisa pues cu a logra 1/3 parti di e loke a bin pa cambia cu e minister. NOTA: Potret ta di archivo di noticiacla.com