Brote di COVID19 den otro cas di cuido pa anciano na Aruba

ORANJESTAD – Lo tin un brote di COVID19 den un otro cas di cuido di anciano na Aruba. E biaha aki na Playa. For di por lo menos dos fuente fidedigno, encarga cu e proceso, e portal aki a confirma cu tin riba 10 caso di contagio eyden, entre cliente y trahadonan, y ta papia di te un maximo di 18. Ta trata aki di e cas di anciano ‘Cas di Machi’ na Playa. A compronde cu DVG ta atendiendo cu e caso lamentable aki. E ta un noticia den proceso pues tin detayenan cu por bin acerca y cambia tambe.