Aruba ta yega su di 25 morto di COVID19 y cu 78 caso positivo mas

ORANJESTAD – Aruba diamars a registra 1 morto mas di COVID19, cu ta haci e total di morto 25. Un cifra alarmante, sigur si mira e rapidez den cual esaki ta bayendo. Mientrastanto, manera por a spera, e cantidad di casonan positivo a bolbe aumenta (despues di un cifra abou di weekend) diamars te na 78 (77 residente). E cifra ey tambe ta keda halto, si mira cu mayan ta haci dos siman cu Crisis team y gobierno a bisa cu ta vigila e situacion pa wak si e cifra ta baha, sino ta re-implementa medidanan mas fuerte. E cifranan no a baha. Pues e team tin cu bay dicidi awor. 

MAS INFO

Pa loke ta e positivity rate, esaki ta keda halto tambe y ta na 20% (e mester ta bou di 5%). Total di activonan awo ta 1214, total di testnan haci ta 519, testnan haci bou residente na laboratorio di hospital ta 379.

HOSPITAL

Manera nos a raporta inicialmente, hospital a informa diamars cu tin un total di 45 persona interna di cual 10 ta den cuido intensivo y 35 ta isola riba piso genera