Voluntarionan di e bapor Freewinds ta sigui yuda desinfecta Aruba pa COVID19

ORANJESTAD – Voluntarionan di e bapor crucero Freewinds un biaha mas recientemente a haci trabou hunto cu cuerpo di bomber pa desinfecta scolnan y misa na Aruba pa COVID19. Entre nan a haci recientemente Colegio San Nicolas y Santa Anna School na Noord y tambe misa. Nan a bin ta haci esaki pa basta luna caba y a cubri basta tereno caba. Den combersacion cu Susan Lora di Freewinds, nan ta bayendo bon y ta spera pa sigui cu e trabou aki, cu nan ta haci a base voluntario completamente.