Maduro: Crisis team lo evalua preocupacion di AFBA di horario di TdQ

ORANJESTAD - Dialuna mainta Minister Maduro di Economia a reuni cu Aruba Food and Beverage Association pa asina scucha nan preocupacion y nan sugerencia pa e medidanan necesario cu ta wordo tuma pa combati COVID19 na nos Pais. E reunion aki a bira necesario despues cu siman pasa diasabra varios empleado di restaurantnan riba e strip di Palm Beach a demostra nan malcontento pa e horario nobo di toque de queda como medida necesario pa baha contagio di COVID19 na Aruba. 

Segun e mandatario, e tabata un bon reunion den cual ministerMaduro a brinda informacion tambe riba e otro trabounan cu Gobierno ta haciendo pa asina por brinda apoyo na comercio den e momentonan dificil cu e crisis di COVID19 ta trece cune. Minister Maduro a priminti cu lo pasa e preocupacion y sugerencianan pa e crisisteam lidera pa Minister President cu lo mester evalua y tuma un decision.