Warda Costa a duna boto local asistencia riba laman

ORANJESTAD - Diasabra ultimo Wardacosta a haya un peticion pa di yudansa di e yate Living Easy. Dialuna atardi Warda Costa a raporta e incidente publicamente. Pa loke ta e peticion di ayudo, na e momento ey Living Easy tawata sleeptouw e boto Sea Fly. Sea Fly a encontra problema ku su motor riba laman y no por a sigui nabega. E tripulantenan di e yate Living Easy a disidi di yuda nan y a cuminsa sleeptouw e boto Sea Fly. Mesora e tripulantenan di Livng Easy a yama Wardacosta tambe pa bin duna asistencia. Wardacosta a dirigi un patruya di Metal Shark pa bai Paardenbaai y duna asistencia na Sea Fly y su tripulacion. Na yegada e patruya di Wardacosta a tuma Sea Fly over for di Living Easy pa asina sleeptouw nan y hibanan paden. E dos tripulantenan y e boto Sea Fly a yega sano y salvo na Renaissance Marina. E yate Living Easy por a sigui ku su ruta despues di nan yudansa.