• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Opinion: Pa capricho Gobierno ta bay fia placa Untitled

Skibi pa sr Rudy Smit

Pa capricho Gobierno ta bay fia placa pa paga gasto na interes di 5.3% kitando pan for di  boca di e pueblo. Segun mi Gobierno no ta compronde loke Hulanda ta ofrece di hasi of no kier pa pueblo compronde kiko nan ta hasi. Si bo ta bay fia placa pa paga payroll cu ta salibo un extra 37.1% riba cada florin, ta nifica cu na final percura pa bo a produci e 137.1% pa paga esaki bek den 7 aña.

Awor loke gobierno no kier splica pueblo mi kier purba splica pueblo kizas den un manera mas crioyo.

Si bisa bo salario no ta yega pa bo paga bo gastonan pero bo mester paga awa coriente telefon etc. anto bo ta bay fia placa pa paga e gastonan aki, mientras cu bo sa cu bo entrada no ta suficiente. Awo si bo sa cu bo salario no ta bay crece y bo no tin otro manera pa genera e entrada adicional pa paga loke bo a fia y e interes cu esaki a costa bo extra, pues bo ta sigui endeuda bo mes te dia cu bo no por mas? Of bo ta bay tuma medida y busca ayudo   cerca un cu lo por yuda bo y mustra bo con bo tin cu cambia bo manera di biba?

Awo loke Hulanda kier hasi y esaki nan kier maneha pa asina nan ta sigur cu e lo sali beneficioso, ta cu Hulanda kier yuda bo paga bo gastonan cu un fiansa sin interes pero di otro banda kier haci inversion, pa asina bo por aumenta bo entradanan pa despues na final di dia bo entrada ta crece cu e inversionnan haci. Asina duna bo e espacio pa por tin pa paga bo gastonan mensual y tambe cuminsa paga loke bo a fia prome pues e ora bo ta sali gana pasobra bo a aumenta bo entrada pa asina genera e placa pa bo por biba y alavez paga bo debe.

Ta pesey Hulanda kier maneha e parti aki di finansas pa sigura cu e plaka ta wordo usa pa hasi inversionnan cu ta genera entrada adicional y no bay gast’e na cosnan cu no ta produci entrada.

Awor aki ta unda Hulanda cu Aruba ta diferencia pasobra Aruba ta mira e yudansa di Hulanda pa siñabo maneja bo placa como perdida di bo autonomia  y door di esey no ta duna e garantia cu Aruba na final lo genera bastante entrada pa cu e inversionnan haci pa por paga su debenan y kita gastonan innecesario.

Aruba kier pa nan dicidi kico ta pasa cu e plaka cu Hulanda kier inverti y aki ta unda no tin acuerdo pasobra Hulanda no ta convenci cu Aruba lo cumpli cu e inversionnan y lo usa e placa pa otro cos y cu e actitud cu ta mustrando awor ta duna Hulanda mas rason cu Aruba no sa con pa maneha nan placa pasobra Aruba lo prefera di usa e plaka pa sigui fiesta, na luga di inverti e placa y asina keda hinca henter e isla su economia mas den problema ainda.

Realisa bo mes cu loke Aruba kier bay haci otro siman pa capricho, ta bay costabo aki 7 aña 37.1% mas hopi di cada florin cu nan ta fia awor esey kiermen bo ta devaluando bo poder di compra cu 37.1% sin cu ta e placa aki ta genera e entrada pa cubri e 37.1% mas e 100% fia aki 7 aña.

Aki ta unda cu politiconan no kier pa e pueblo realisa kico nan ta haciendo basta nan por sigui cobra awor y fiesta y despues no ta nan problema y lo bay aumenta mas belasting pa asina saca e interes aki esta e 37.1% aki di pueblo. Tin un diferencia grandi ora bo ta fia placa pa traha bo cas of si bo ta fia plaka pa bo fiesta bay vakantie y paga bo gastonan mensual mientras cu bo entradanan no ta alcansa esaki.

Si bo fia placa pa bo traha un cas bo no ta bay vakantie cu ne y of rek un paranda, fiesta na grandi pa mayan ainda bo no tin un cas pa bo biba aden pero si tin e debe pa paga.

Mi ta spera cu pueblo por realisa awor un poco mas di kico ta tumando lugar actualmente cu bo futuro, pa capricho di algun politico cu kier sigui gasta y no tuma accion pa baha gasto y crea entrada cu loke Hulanda a ofrece nos pa yuda y siña nos con pa yega eynan.

Pero cu loke ta pasando awor ta hasi e problemanan ta sigui crece y  lo bay tarda hopi mas largo pa recupera, djies pasobra politiconan kier sigui fiesta y na mi parecer malgasta e placa y endeuda e pueblo innecesariamente na cosnan cu actualmente no ta factible.

Mi kier pa un i tur realisa cu kier cumpra bonds awor, ta nifica cu ta cuminda bo ta kitando di e pober ciudadano y futuro generacion pa asina enrikese bo mes. Bo ta haya esaki un acto humano? Of bo tambe kier aporta na yuda e isla sali for di su problemanan finaciero cu lo benefisia abo mas ainda y dunabo e satisfaction cu bo tambe a aporta na bienestar di bo pais.