Aruba ta registra di 24 morto pa COVID19 y 36 caso positivo

ORANJESTAD – E cantidad di mortonan pa COVID19 na Aruba a sigui aumenta dialuna ora cu DVG a confirma e di 24 morto lamentablemente. Ademas tin 36 caso positivo nobo di e virus registra di cual tur ta residente. E hecho cu e cifra a baya considerablemente, no ta nifica cu a vence e virus, sino mas bien pasobra ta un weekend. Y den weekend sea hende no ta acudi pa test y esnan cu ta test ta un grupo hopi chikito. Asina mes, e positivity rate ta sigui halto (21%), cu ta e relacion entre esnan positivo contra esnan cu a test. Pa Aruba, esaki mester ta menos cu 5%, pues e ta 4 biaha mas cu e mester ta ainda. Algo mas positivo ta cu segun DVG, por tuma nota cu 130 persona a recupera, total di activonan awo ta 1194, total di testnan haci ta 331, testnan haci bou residente na laboratorio di hospital ta 172.

HOSPITAL

Hospital ta informa cu tin un total di 43 persona interna di cual 9 ta den cuido intensivo y 34 ta isola riba piso general.