Hulanda ta pone codigo oraño pa Bonaire debi na COVID19

KRALENDIJK – Riba peticion di gezaghebber di Bonaire Edison Rijna, Hulanda a pone codigo oraño pa e isla di flamingo dialuna. Esaki ta nifica cu entrante mesora, ta descurasha turistanan pa biaha pa e isla. Y si nan haci esaki toch, na nan regreso, nan mester bay den cuarentena 2 siman obligatoriamente. 

LOCKDOWN SUAVE

For di awe, Bonaire ta den un lockdown ‘suave’ debi na e aumento di casonan positivo di COVID19 riba e isla. E medidanan menciona ta conta pa 10 dia y ta vence pues te fin di e luna aki. Entre medidanan, ta pidi pa traha for di cas mas cu ta posibel, ta cera tur restaurant y bar, pero por haci delivery si. Tur trabou cu ta encera traha den grupo, ta wordo prohibi. Ta cera tur gym, casino, y entiero ta solamente cu 10 hende maximo. Casamento ta sin invitado, cuido di anciano ta haya reglanan estricto, tur negoshi y companianan no esencial ta wordo cera. Boticanan, supermercado, pompstacion y hardware store ta hkeda habri te 8’or di anochi. Y asina tin mas. Potret bonaireoffice.com