PALM BEACH – Un grupo di por lo menos 10 pa 15 restaurant y bar na Palm Beach, no ta descarta cu nan lo escala nan protesta cu nan a cuminsa diasabra anochi contra e orario nobo di e Toque de Queda. Asina e supervisor di un di e establecimentonan, Samuel Rosales a bisa e portal aki diasabra anochi. A mustra cu ta tur e restaurantenan riba e strip, dilanti e hotelnan, a dicidi di cera nan negohi pa 6or di anochi, pa protesta e hecho cu gobierno kier nan cera 9’or.Polis mester a bin pa atende algun persona cu kier a protesta e situacion.
PROBLEMA
Segun Rosales, gobierno a bay mucho leu cu e medidanan cu nan a impone contra COVID19. E supervisor a mustra cu awor ta perde 2 ora critico pa trata clientenan cu kier bin come na e restaurantnan. Si nan bin 8’or nan tin apenas un ora prome cu e lugar cera pues no por haya servicio. Y mester prepara pa trahadonan bay cas mas tempran. Menos turista ta nifica menos entrada. Y como tal kier pone presion riba gobierno pa asina haya oido. E strip cu tabata den accion tabata esun cu tin e restaurantnan di e.o. Giannis Group y tambe YOLO, CRAFT y otronan. A sigura cu nan ta teniendo nan precaucion pa COVID. Y loke nan no ta contento cu ne ta cu den hotelnan si nan por keda habri te 11’or di anochi.CARTA
Un carta cu a circula di e propietarionan diasabra, ta bisa cu e orario cortico (te cu 9’or) no ta permiti nan haci negoshi drechi. Nan gastonan operacional ta mucho halto caba, y sin e entrada extra cu ta perdiendo awor, e restaurantnan lo por haya nan mes obliga pa retira nan trahadonan. Sin e entradanan aki, e trahadonan lo tin cu depende di onderstand. Algo cu no ta corecto segun e doñonan di e establecimentonan.
ORANJESTAD - Den e prome kwartaal di 2024, por spera cifranan prometedor y solido pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA ta raporta diahuebs. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’.
ORANJESTAD – Diahuebs 14 di maart, Minister di Turismo y Salud Publico Sr. Dangui Oduber a ricibi un invitacion pa bishita Aruba Boutique and Art Hotel cu lo habri nan porta dia 1 di April 2024. Un boutique hotel nobo den curason di Palm Beach cu lo forma parti como miembro di e marca Best Western Signature Collection.
ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.
MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.
ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio.