- Wever: Fin di di dos cuartaal 2024, centro di Oranjestad ta haya mas luz
- Banco Central ta mantene e tasa di reserva obligatorio na 22,0 porciento
- DEA: Cabesante y docentenan ta sigui prepara pa introduci Papiamento na scolnan basico
- A.T.A.: Por Mira Documentario Blue Lizard Effect via nos Planta Nacional TeleAruba
- Corte: Caso ‘Isla di Oro’ ta sigui fin di luna awor, cu mesun huez
AF&BA: Sector di F&B ta weita futuro cu pesimismo
ORANJESTAD - Aruba Food & Beverage Association (i.o) recientemente a tene un encuesta abou su miembro y non miembronan en loke ta e experiencia di e sector aki despues di e secundo ola di Covid 19.
1. Ariba e promer pregunta “Con ventas a wordu afecta despues di e secundo ola”:
9% a contesta cu ventas a keda mes cos
0% a contesta cu a experiencia mas ventas
66% a reporta menos ventas y
24% a contesta di ta sera ainda.
2. Ariba e secundo pregunta “Con e ventas a compara cu Augustus anja pasa”:
18% a contesta di a experiencia ventas di menos cu 25% compara cu anja pasa
15% a experiencia ventas di menis cu 50% compara cu anja pasa
42% a experiencia ventas di menos cu 75% compara cu anja pasa
25% a contesta di ta sera ainda
3. E di tres pregunta a contesta den ki forma cu restaurantnan ta operando
54% a experiencia di ta habri diario
6% a contesta di a habri weekends
24% ta sera ainda y
16% a scoge di contesta otro loke ta encera cu e dianan cu nan ta habri ta variabel
Ariba e pregunta “Cuanto tempo bo restaurant lo sobrevivi sin loon subsidie”
12.5% a contesta cu nan por sin loon subsidie
9.5% lo tin un reserva di un luna y despues lo sera si no tin loon subsidie
16% lo tin reserva pa dos luna y despues lo sera si no tin loon subsidie
3% lo pidi pa un prestamo y
59% a contesta di no lo sobrevivi sin loonsubsidie y lo tin cu sera su restaurant.
Ariba e pregunta si lo aserca banco pa un prestamo:
3% a contesta cu SI
70% a contesta cu NO
27% a laga e pregunta aki sin contesta
Ariba e pregunta si a reduci personal
55% a contesta cu SI (nos ta pensa cu lo ta part timers)
45% a contesta cu NO
Ariba e pregunta si a logra extende permisonan di trabou:
6% a contesta cu SI
66% a contesta cu No
28% a contesta cu e pregunta no ta aplica
Ariba e pregunta si e restaurantnan lo ta mas optimista compara cu July/ August
36% a contesta cu su optimismo compara cu antes no a cambia
4% a contesta di ta mas optimista
60% a contesta di ta menos optimista
Ariba e pregunta si a tuma mas personal den servicio
6% a contesta cu si
94% a contesta cu n0
Ariba e pregunta con grandi e porcentage ta cu ta pensa cu lo sobrevivi e crisis aki:
25% 6% a contesta cu e chens pa sobrevivi ta 25%
50% 48% a expresa cu lo tin un 50% chens di sobrevivi
75% 40% a expresa cu tin un 75% chens cu nan lo sobrivivi
100% 6% a expresa di pensa cu lo sobrevivi e crisis aki
E encuesta segun e asosacion AF&BA ta duna di conoce cu e sector di F&B ta bayendo door di un crisis enorme y sin stabilidad financiero di pais Aruba, sea interno of externo, e sector aki lo experiencia sla nan duro unda faillisement y terminacion di cupo di trabou na gran escala lo ta parti di e panorama aki. Den e luz aki AF&BA (1.o) ta boga pa Aruba expresa su mes mas pronto possible den forma di un referendum unda ta keda cla ki direccion e pueblo aki kier bay. For di e encuesta aki a keda cla segun e asosacion cu sin loon subsidie pa e proximo 6 – 12 luna masha hopi restaurant lo sera porta sin un areglo decente pa nan personal ya cu a keda estableci cu no por laga personal bay. Ta keda estima cu un 200 restaurant sigur lo cera su porta promer cu December y un par di mil empleado lo pasa un Pascu y Aña Nobo den obscuridad. Pa e motivonan aki AF&BA (i.o) ta para tras di e carta cu recien AHATA/ ATIA y KVK a manda pa Gobierno pa laga interes general prevalece y pone nos cas na orden entre e propuesta cu Hulanda a propone cu cambio unda cu por ja cu na otro banda ta spera nos un crash total y pobreza masal. Wak e resultado completo di e encuesta AKI.
Banco Central ta mantene e tasa di reserva obligatorio na 22,0 porciento
ORANJESTAD - Conforme e tarea di e Comite di Maneho Monetario (CMM) pa evalua, determina y duna transparencia riba e accionnan di maneho monetario di Banco Central di Aruba (BCA), BCA ta comunica lo siguiente. Durante e reunion di 26 di februari 2024, CMM a dicidi pa mantene e tasa di e reserva obligatorio na 22,0 porciento entrante 1 di maart 2024. Di e manera aki, e banconan comercial mester tene un balansa minimo na BCA cu ta igual na 22,0 porciento di e depositonan riba termino cortico di nan clientenan. E decision pa mantene e tasa di reserva obligatorio ta basa primordialmente riba e reservanan oficial cu ta relativamente serca di e limite minimo di e ARA, apesar cu tanto e reservanan oficial como e reservanan internacional a keda adecua y ta premira pa permanece asina durante 2024. Adicionalmente, likides excesivo di e sector bancario ta mustra un tendencia ascendente durante e ultimo lunanan. Finalmente ta considera prudente di mantene e reserva obligatorio na su nivel actual, mirando crecemento continuo di credito y su efecto potencial riba reservanan internacional. BCA ta sigui monitorea e desaroyo den e reservanan y likides excesivo y lo por dicidi di cambia e tasa di reserva obligatorio, si ta considera esaki necesario.
Schlipken: Aruba ta spera 18 mil turista Brasilero den 2024
SAO PAOLO – Aruba ta spera 18 mil turista Brasilero den 2024. Asina e director di turismo di ATA pa Latino Americano, Jordan Schlipken Croes a declara e siman aki na e portal PANROTAS, durante e evento WTM Latin America na Sao Paolo. Segun Croes, Brazil ta e di tres mercado Latino mas grandi pa Aruba, despues di Colombia y Argentina. Ta mustra cu na 2023 tabatin 14 mil bishitante di Brazil pa Aruba. Segun Croes, un di e motibonan di e cifranan grandi aki, ta e gastonan di e Brasileronan den e pais. Pa por yega e cifra di 18 mil Brasilero, Aruba tin 4 strategia principal pa e pais, fuera di e participacion na e bolsa di turismo Brasilero. Esaki ta e.o. incentivonan cu e operadornan y agente di biahe, ya cu 70% di Brasilero cu ta biaha pa Aruba ta cumpra nan pasashi via agentenan di biahe.
Aeroliña Mericano a reduci prijs di pasashi pa Aruba cu 50% e siman aki!
BOSTON – E aeroliña Mericano conoci pa tarifa reduci, JetBlue a reduci su tarifa mas ainda, cu 50% pa biahero pa e.o. Aruba. Nan ta yame un deal special di 2 dia ‘Hit Refresh’, unda cu dentro di e dos dianan aki, e biaheronan mester cumpra e pasashi. Por usa e biahe entre 7 di mei pa 12 di juni y no tin asina yama ‘blackout dates’ osea dianan cu bo no por biaha. Pa Aruba e prijs a wordo reduci cu 50% di p.e $776 dollar te na $378 round trip. No ta algo inusual y ta algo cu nan ta haci frecuente, pero ta sigui interesante. Tur e pasashinan tin cu origina for di Boston.
DEACI a otorga mas di 100 permiso pa negoshi nobo caba den 2024
ORANJESTAD - Pa cuminsa un negoshi of haci cambio den e permiso pa negoshi segun ley, mester haci un peticion pa permiso di negoshi via e website di Departamento di Asuntonan Economico, Comercio y Industria (DEACI) y ta wordo otorga bou di responsabilidad di Minister di Asuntonan Economico.
Durante Seatrade 2024, islanan ABC a trata esfuersonan pa desaroyo regional
ORANJESTAD - E presencia di Aruba na Seatrade Cruise Global 2024, ta semper un paso significante pa fortifica colaboracion den e industria crucero y promove iniciativanan turistico cu e isla tin pa ofrece.
CAFT: Adapta presupuesto 2024 pa inclui surplus di 200 miyon di 2023
ORANJESTAD - Den su conseho recien tocante di e di dos modificacion di presupuesto stipula 2023 (BW), e colegio di supervision financiero CAft a indica cu e ta anticipa resultadonan positivo inespera adicional. Cu e di tres raportahe di ehecucion (UR) ta confirma e imagen aki. CAft ta anticipa cu Aruba lo por cera e aña cu un surplus di financiamento di mas cu AWG 200 miyon pa e sector colectivo, loke ta 3 porciento di e producto nacional bruto (bbp). CAft ta conseha Aruba pa emplea e resultadonan positivo inespera pa amortisacion di debe, loke ta necesario pa baha e presion presupuestario di e gastonan di interes y pa crea espacio pa otro gastonan necesario. Enbista di e hecho cu e resultado lo sigui impacta na 2024, CAft ta pidi boso pa adapta e presupuesto na e dato aki den e prome BW 2024.
Follow NoticiaCla
