Cantidad mas halto di hospitalisacion pa COVID19 registra awe pa un dia

ORANJESTAD – Diabierna mainta hospital Horacio Oduber a raporta e cantidad mas grandi di hospitalisacion riba un solo dia pa COVID19, cu ta 12. Anteriormente e cantidad mas halto pa un solo dia tabata 9. Cu esaki, e cantidad di casonan hospitalisacion ta aumenta na 45 persona, for di 37 un dia anterior. Ta menciona tambe cu 4 persona a bandona hospital den e ultimo 24 ora. E hecho ta cu tur dia un cantidad di persona ta keda interna y otronan ta sali, y esey ta nifica cu e cantidad di hospitalisacion no ta bahando, corta stop. Potret ta di archivo di noticiacla di un caso di hospitalisacion siman pasa di un pashent di COVID19 na Aruba.