Knops: E fiansa local haci no ta den interes di e ciudadano di Aruba

Knops: E fiansa local haci no ta den interes di e ciudadano di Aruba

Posted on 09/17/2020 11:42 am AST | Updated on 09/17/2020 11:42 am AST

ORANJESTAD – Secretario di estado Hulandes Raymond Knops ta haya cu e hecho cu Aruba a dicidi di subi mercado local pa fia placa, lo por ta mas un problema pa Aruba mes, pasobra segun Knops, si bo fia contra 5.5% di interes envez di 0% (di Hulanda), e ora e ta limita e espacio riba presupuesto di Aruba mes. “No ta den interes di e ciudadanonan di Aruba pa fia placa riba mercado local, si tin un oferta di Hulanda pa hacie contra 0% di interes”. Knops a bisa durante su conferencia di prensa pa periodistanan di Aruba diahuebs mainta. 

AFECTA NEGOSACION

E pregunta tabata di noticiacla na e mandatario, si e hecho cu Aruba a fia placa awor cu no ta via Hulanda, si e por tin un efecto riba e negosacionan cu tin. Si e ta afecta e confiansa, e tono di negosacion, pasobra Aruba a opta pa fia sin ayudo di Hulanda, mientras cu e ta na mesa ainda cu Hulanda. Pero Knops a bisa cu debi cu e no tabatin detayes (“Prome minister di Aruba no tabata por y no kier a bisami mas detayes di e fiansa local”: Knops), ta dificil pa e bisa ki consecuencia e por tin riba e negosacion. Pero e ora a bay riba e consecuencia cu e fiansa tin pa Aruba mes. Aki mester pensa e.o. riba e hecho cu awor cu Aruba a opta pa fia local, cu e p.e. 7.6 miyon florin di interes (5.5% interes di 138 miyon florin) ta pueblo tin cu paga tanten cu e por tbt Afl. 0

EFECTO

For di fuentenan fidedigno, e portal aki a compronde cu e fiansa local lo tin efecto, den entre otro e tono, y tambe debi cu awor Aruba ta hinca su curpa den mas debe, por spera cu Hulanda lo aumenta su condicionan pa sigura cu Aruba por cumpli cu e situacion cu e la crea door di tin mas debe di bay paga awor, for di p.e. solamente e interes cu e tin cu bay paga pa e periodo di por lo menos 7 pa 8 aña. 

  • Medidanan contra COVID19 na Hulanda extendi te December

    Medidanan contra COVID19 na Hulanda extendi te December

    DEN HAAG – E sector di horeca na Hulanda (e parti di restaurant y barnan) lo mester keda cera mas largo. E lockdown parcial na Hulanda lo sigui sigur te den december. Asina premier Hulandes Mark Rutte y minister de Jonge (Salud) a bisa prensa diamars atardi ora di Hulanda.  Otro siman diamars lo tin un momento di evaluacion. De Jonge a laga sa caba cu ta conoci cu e medidanan mester wordo prolonga. Esaki ta necesario pa por reduci e grado di contagio na Hulanda, cu ta hopi halto aworaki. 

  • Aruba no ta cla pa firma cu Hulanda diabierna durante RMR

    Aruba no ta cla pa firma cu Hulanda diabierna durante RMR

    ORANJESTAD - Contrario cu Corsou, Aruba parce di no ta cla ainda pa firma e acuerdo cu Hulanda diabierna awor durante e proximo Rijks Ministeraad (RMR), aunke cu e dos paisnan ta hopi cerca di otro. Asina fuentenan cerca di e proceso, ta bisa e portal aki. Mientrastanto e portal di Corsou AD ta raporta cu RMR lo trata e acuerdo cu Corsou y posiblemente aproba e pakete di fianza pa e di tres tranche. Nan ta cita prome minister di Corsou Eugene Rhuggenaath cu lo a confirma esaki cu e portal.  Pa loke ta Aruba mientrastanto, ta parce cu pa e proximo RMR (13 di November 2020), un acuerdo lo ta posibel.  

  • Hulanda a habri siman cu 10.353 caso positivo di COVID19

    Hulanda a habri siman cu 10.353 caso positivo di COVID19

    AMSTERDAM – Entre diadomingo y dialuna, Hulanda a registra 10.353 caso nobo di Coronavirus segun Rijksinstituut voor Volksgezondheid en Milieu (RIVM).E cifra di dia di diadomingo tabata diferente debi cu diasabra tabata falta parti di e cifranan. E cifra di diadomingo sinembargo ta keda record y cu posibilidad cu Hulanda lo tin cu anuncia medidanan mas serio. A compronde cu si e siman aki no logra baha e cifranan, esaki por nifica implementacion di un lockdown completo.  

  • Arubahuis: Un bon preparacion por evita desilusion y hopi dolor di cabes

    Arubahuis: Un bon preparacion por evita desilusion y hopi dolor di cabes

    DEN HAAG – Siman pasa a comparti informacion general di e situacion na Hulanda pa esnan cu kier bin establece nan mes na Madre Patria. Enbista cu e topico aki ta un opcion cu hopi na Aruba ta evaluando na tuma, ta hopi importante pa e personanan cu kier tuma e paso aki ta bon prepara prome cu nan subi avion pa bin biba na Hulanda.

  • Rey Willem Alexander na Hulanda: Ta duel nos di a traiciona boso confianza

    Rey Willem Alexander na Hulanda: Ta duel nos di a traiciona boso confianza

    DEN HAAG – Rey Willem Alexander hunto cu su casa Reina Maxima, den un video di casi 2 minuut, a dirigi su mes na e pueblo Hulandes, den un intento pa splica nan fayo di bay vakantie den pleno crisis di Corona. Palabranan manera arepentimento, door di a viola boso confianza, e Rey a splica su decision y e consecuencia di esaki. E ta yama su decision ‘imprudente’ pa no a tene cuenta cu e situacion actual. A mustra cu aunke cu e viahe tabata den margen di tur regla pa cu COVID19, toch e no tabata un bon decision. Na final el a bisa tambe si cu nan ta involucra, pero no infalible. E ta e video mas mira di dia na Hulanda pa awe, diaranzon. 

  • Rey Willem Alexander y famia a bolbe Hulanda despues di critica

    Rey Willem Alexander y famia a bolbe Hulanda despues di critica

    DEN HAAG – Rey Willem Alexander y su famia a bolbe Hulanda diasabra anochi, ora di Hulanda, un dia despues cu nan a biaha pa Grecia pa vacacion. Asina e portal NOS ta raporta. Tabata pa 9’or di anochi cu e Rey y su famia a bolbe cu buelo comercial di KLM. Un rato despues a hisa e bandera real na Palacio Huis ten Bosch, segun regla ora cu e Rey ta bek na su pais. E Rey y su famia a bolbe debi na e multiple critica cu tabatin pasobra cu el a biaha, mientras cu gobierno ta pidi tur hende keda cas y no bay di vacacion debi na coronavirus. E Rey a reacciona bisando cu nan a mira e comentarionan y cu el a afecta nan y pesey nan a bolbe. Parlamento Hulandes tabata basta disgusta cu e decision di e Rey di bay vacacion. 

  • Powered by SETAR