Aruba a kibra record atrobe di caso positivo riba un dia di COVID19

Aruba a kibra record atrobe di caso positivo riba un dia di COVID19

Posted on 09/16/2020 4:15 pm AST | Updated on 09/16/2020 4:18 pm AST

ORANJESTAD – Aruba diaranson a kibra otro record di casonan positivo di COVID19 pa un solo dia, ora cu a registra e cantidad halto di 176 caso. Di esaki, tin 1 so cu no ta residente. Cu esaki, e total activo te cu awor ta pasa 1600 bay y ta bira 1630. Apenas un dia prome, nos a pasa 1500 caso activo.  Apenas un siman pasa, a kibra e record pa prome biaha cu 141 caso riba un solo dia. Esaki awor a wordo surpasa cu 35 caso. 

Total di testnan haci ayera ta 599, di cual 535 test a wordo haci na laboratorio di hospital bou residentenan y e total di caso di fayecimento relata na Covid-19 ta na 22. E tasa di positividad (e cantidad di testnan compara cu e cantidad cu ta positivo, ta keda halto (32%), mientras cu e mester ta menos cu 5%. 

HOSPITAL

Hospital ta informa cu tin un total di 40 persona interna di cual 11 ta den cuido intensivo y 29 ta isola riba piso general.

  • Andrade: Abogado a conseha pa no apela sentencia riba caso di portafoon di polis

    Andrade: Abogado a conseha pa no apela sentencia riba caso di portafoon di polis

    ORANJESTAD – Riba conseho di nan abogado (mr Chris Lejuez), periodista Nelson “Speed” Andrade a dicidi cu nan no ta bay apela e sentencia contra dje di 2 aña pasa unda cu nan a keda sentencia pa asunto di portafoon di polis, den caso Kinikini. Y segun Andrade, nan tambe a dicidi cu no ta bay gasta placa na defensa mas, y lo cumpli cu e sentencia di haci trabou comunitario. Asina el a declara durante su programa radial Enfoke dialuna merdia. E la sigura durante e programa, cu e no a horta radio di polis y cu na su cas nunca nan no a haya radio di polis tampoco. Sinembargo, asina mes a sentencia e periodista. E no a atende e parti ey, cu no obstante e parti cu e ta sigura cu e no tabata envolvi, toch a haya un sentencia. E ta considera cu loke Ministerio Publico a haci cu ne, door di hasta detene 2 dia, inhusto y no a sconde su rabia contra e instancia aki. “Pesey mi no tin confiansa den Ministerio Publico” Andrade a bisa. El a confirma tambe cu mientras cu e tabata den su programa, el a haya un dagvaarding pa presenta como testigo den e caso cu si ta sigui contra e polis Rasmijn mayan diamars mainta 9’or y mei. 

  • DVG: Di cada 10.000 persona no vacuna, 16 a fayece di Covid19

    DVG:  Di cada 10.000 persona no vacuna, 16 a fayece di Covid19

    ORANJESTAD - For di cuminsamento di juli 2021 di cada 10.000 persona no vacuna, 16 a fayece di Covid19. Asina departamento di salud a informa dialuna. Segun DVG, desde cu e variante Delta a haci su entrada na Aruba, hopi lihe e variante aki a causa preocupacion ora ela plama causando un brote grandi di casonan di COVID-19. 

  • Casonan positivo di Covid19 ta sigui baha, pero mortonan ta sigui cay

    Casonan positivo di Covid19 ta sigui baha, pero mortonan ta sigui cay

    ORANJESTAD - Segun resumen di awe 34 persona a recupera y un total di 26 caso nobo di COVID-19 a keda registra di cual 3 ta no-residente. E cifranan aki ta representa un 'Positivity rate' bou di nos residentenan di 22%. E cantidad di casonan activo di COVID-19 pa awe ta  259 y cantidad di fayecidonan relaciona cu COVID-19 a aumenta na 159. Forsa na famia di e fayecido. Datos ta ilustra casonan nobo di COVID cu un average semanal di 25 caso pa dia y un averahe di 'positivity rate' semanal di 12% pa dia.

  • Cifranan diario di Covid19 ta kedando relativamente abou

    Cifranan diario di Covid19 ta kedando relativamente abou

    ORANJESTAD- 19 september 2021. Segun resumen di awe 32 persona a recupera y un total di 28 caso nobo di COVID-19 a keda registra di cual 8 ta no-residente. E cifranan aki ta representa un 'Positivity rate' bou di nos residentenan di 19%. E cantidad di casonan activo di COVID-19 pa awe ta  269 y cantidad di fayecidonan relaciona cu COVID-19 ta 158. Datos ta ilustra casonan nobo di COVID cu un average semanal di 24 caso pa dia y un averahe di 'positivity rate' semanal di 11% pa dia.

  • SIMAR di Aruba y USIBO y SIMABO di Bonaire a cera protocol di cooperacion

    SIMAR di Aruba y USIBO y SIMABO di Bonaire a cera protocol di cooperacion

    ORANJESTAD – Diasabra sindidato di maestro di Aruba SIMAR y USIBO (Union Sindikal Boneriano) a firma un protocol di cooperacion, cu ta encera solaridat y union, pa sostene y fortifica otro cu e proposito pa haci uzo di tur e conocemento, experiencia y fasilidadnan, sali den un forma optimal pa e clase trahador riba teritorionan di Aruba y Bonaire.

  • Arcade Aruba by Wind Creek a habri su portanan!

    Arcade Aruba by Wind Creek a habri su portanan!

    (ADVERTORIAL)

  • Powered by SETAR