Omo ta hinca subrino den barica

ORANJESTAD - Diasabra mainta algo prome cu 9'or ta sucede un caso serio di hincamento, na un cas na Tamarijn. Aparentemente lo a surgi un problema entre un sobrino y un omo. E omo a pasa man pa un obheto skerpi y a perfora e sobrino den su barica, bou di lombrishi cune. E sobrino a keda herida y e omo mesora a huy drenta mondi bay. Polis y ambulance a wordo pidi cu urgencia na e adres Tamarijn 54. Na yegada, personal di ambulance mesora a cuminsa trata e victima y despues a transporte cu urgencia pa hospital. Polis a cuminsa cu un buskeda den e area y na Bloemond na Sunny Villas y a bin topa cu e sospechoso. Mesora el a keda deteni y hopi lihe el a wordo hiba Warda di Polis na Santa Cruz.