Rijnan largo atrobe na test center pa haci COVID19 test

ORANJESTAD – Rijnan tabata largo diamars atrobe pa test pa COVID19. For di tempran por a nota filanan basta largo, unda cu varios agente di seguridad mester a cay aden pa dirigi e fluho di trafico. For di esnan cu tabata den rij, a compronde cu tin tabata warda por lo menos 45 minuut pa yega na turno. Pero unabez cu nan haya turno, y si nan a download e app delanta y registara, e tumamento di test mes tabata bay liher. 

DOWNLOAD APP

For di vocero di hospital Charlain Huntington, e portal aki por a compronde cu loke ta stagna e rij pues, ta cu hendenan no ta download e app di COVID19 prome cu nan yega, osea e test center. Pesey a pidi pa esnan cu ta bay test, pa download e Aruba Health App, prome cu nan yega e test center. Esaki lo acelera e proceso tambe di test.