Rey Willem Alexander a toca ayudo financiero pa nos islanan durante troonrede

Rey Willem Alexander a toca ayudo financiero pa nos islanan durante troonrede

Posted on 09/15/2020 9:03 am AST | Updated on 09/15/2020 9:05 am AST

DEN HAAG – E Cu excepcion di e mencion di Aruba den casi comienso di su discurso, e unico mencion di nos islanan durante e asina yama ‘troonrede’ di Rey Willem Alexander diamars mainta, tabata e referencia na e tipo di ayudo financiero pa nos islanan y e condicion bou di cual nos por haya esaki. Ademas un confirmacion cu e ayudo humanitario ta keda disponibel. E resto tabata dedica na Hulanda. 

E DISCURSO

Tur aña riba e di tres diamars di luna di September, e Rey ta habri e aña Parlamentario di Hulanda cu su discurso real (troonrede). Mescos cu Aruba, ta un presentacion di kico a sosode den e aña actual pero mas aun, loke ta planea pa sosode den e siguiente aña parlamentario. Y tur aña tur hende ta interesa pa wak cuanto atencion nos islanan ta haya. Tin biaha ta algun palabra, y e aña aki, 3 frase. Mester bisa si, cu Aruba su nomber a cay for di comienso di e discurso e biaha aki, den cuadro di e ‘cobertura di COVID19’. “Coronavirus a afecta nos tur. For di Terschelling te Aruba!” e Rey a bisa. Despues ta sigui e discurso riba temanan Hulandes. 

E DISCURSO

Segun Rey Willem Alexander, Hulanda mester prepara su mes pa e consecuencianan di un caida fuerte economico, aunke no mester austerisa e aña proximo. De hecho, mester netamente inverti den mantencion di empleo. Y riba e punto ey, e plannan ta traha. Tin un buffer financiero cu Hulanda a crea, riba cual nan por coi e frutanan aworaki. Pero e Rey a alerta pa e temponan dificil nos dilanti. No sa con dificil, pasobra esey ta depende di con e virus ta tene e pais den su gara. 

E SITUACION DI CORONA

Debi na e medidanan di coronavirus, e aña aki e Rey no a tene su discurso den e acostumbrado Ridderzaal, sino den Grote Kerk di Den Haag. No a usa e ‘koets’ di oro, y no tabatin parade glorioso. Simplemente a transporta e pareha Real cu auto pa e sitio. Den e misa a limita e cantidad di invitado ten a 270 (envez di e casi 1000 persona cu semper ta invita). 

PARTI DI CARIBE HULANDES

E parti unda cu ta toca nos, tabata 4 frase, manera indica, unda cu a referi na e situacion actual financiero di nos islanan. A   confirma cu nos islanan a sufri grandemente di e crisis. “Ta papiando cu e islanan di Caribe Hulandes grandemente afecta, riba cua tipo di ayudo y bou di cua tipo di condicion por wordo duna. Ta e intencion pa sostene e pueblo y contribui na e siguridad economico y socio cultural di futuro. Ayudo humanitario semper ta keda disponibel” e Rey a sigui bisa. POr lesa e discurso completo AKI.  

 

 

 

 

  • Cantidad record di caso nobo diario di COVID19 na Hulanda

    Cantidad record di caso nobo diario di COVID19 na Hulanda

    DEN HAAG – E cantidad di casonan positivo di COVID19 na Hulanda diabierna di 1974 ta un record nobo. Esaki ta e di cuater dia cu e record ta keda registra pa casonan positivo. Mester bisa tambe cu antes no tabata test mes hopi cu awor. Den ultimo dos siman, e cantidad di test a bira dobel. Pa loke ta e cantidad di casonan hospitalisa, esaki a subi te na 288. Esey ta 27 mas cu un dia prome y ta e cantidad mas halto desde mitar di juni.  

  • Minister di husticia Hulandes a haya multa pa violacion di regla di COVID19

    Minister di husticia Hulandes a haya multa pa violacion di regla di COVID19

    DEN HAAG - Minister di husticia Hulandes Grapperhaus no ta haya solamente un multa pero tambe un mencion den un strafblad. Esaki debi na e violacion di regla di COVID19 durante e recepcion di su casamento recientemente. Pero esaki no kier men cu e no por sigui funciona como un minister. E ta un violacion, ta keda na Tweede Kamer kico nan ta haya di esey segun premier Rutte. Grapperhaus a wordo scucha diahuebs via telefon door di Ministerio Publico. 

  • Knops: E fiansa local haci no ta den interes di e ciudadano di Aruba

    Knops: E fiansa local haci no ta den interes di e ciudadano di Aruba

    ORANJESTAD – Secretario di estado Hulandes Raymond Knops ta haya cu e hecho cu Aruba a dicidi di subi mercado local pa fia placa, lo por ta mas un problema pa Aruba mes, pasobra segun Knops, si bo fia contra 5.5% di interes envez di 0% (di Hulanda), e ora e ta limita e espacio riba presupuesto di Aruba mes. “No ta den interes di e ciudadanonan di Aruba pa fia placa riba mercado local, si tin un oferta di Hulanda pa hacie contra 0% di interes”. Knops a bisa durante su conferencia di prensa pa periodistanan di Aruba diahuebs mainta. 

  • Knops: Aruba por a haya mas placa si a sigui caminda corecto via CAFT

    Knops: Aruba por a haya mas placa si a sigui caminda corecto via CAFT

    DEN HAAG – Ta parce cu Aruba a atende cu e ‘deficit’ repentino di 138 miyon florin den un forma robez. Asina por compronde di splicacion di secretario di estado Hulandes Raymond Knops durante su conferencia di prensa diahuebs mainta pa prensa di Aruba. Mientras cu e mandatario a refuta (un biaha mas) cu ‘Hulanda lo a adapta e condicionan di nan proposicion unilateralmente’, causando un buraco financiero. Segun Knops, si Aruba a acerca CAFT pa un evaluacion nobo di e situacion cu a surgi (debi na e retraso), lo por a presenta un plan nobo cu RMR lo por a cumpli cu ne, cu por ta mas cu e 204 miyon florin, cu a pone disponibel inicialmente. 

  • Ministernan Plenipotenciario di Aruba, Corsou y St Maarten a atende Prinsjesdag

    Ministernan Plenipotenciario di Aruba, Corsou y St Maarten a atende Prinsjesdag

    DEN HAAG  – Ministernan Plenipotenciario di Aruba, Corsou y St Maarten a atende Prinsjesdag awe. Asina e mandatario di Aruba a in-forma diamars merdia. Sr. Besaril tabata invitado special pa Prinsjes-dag como miembro di Conseho di Minister di Reino (Rijksministerraad) y ta sinta hunto cu su colega Minister Plenipotenciario di Curaçao y St. Maarten.

  • Premier Rutte: Nos no ta negosha nos proposicion!

    Premier Rutte: Nos no ta negosha nos proposicion!

    DEN HAAG – “Nos no ta negosha nos proposicion”. Na palabra prome minister Hulandes Mark Rutte na e portal Caribisch Netwerk su reportero. E ta un diferente tono cu colega politico Raymond Knops a bisa recientemente (diaranson ainda durante un debate di Tweede Kamer). E declaracionan di Rutte tabata prome cu e la drenta e Rijks Minister Raad diabierna mainta.

  • Powered by SETAR