Aruba dialuna a yega cantidad di 20 morto total di COVID19

ORANJESTAD – Aruba su cantidad di morto total di COVID19 a yega 20 dialuna. Segun cifranan di Directie Volks Gezondheid, e cifra a aumenta cu 2 morto (di 18 un dia anterior) pa 20 total. Manera ta conoci, personanan cu muri di un otro situacion di enfermedad, pero cu na e momento ey tabata positivo pa COVID19, ta keda registra como morto di COVID19. Mes momento pa loke ta e cifranan di casonan positivo, esaki a baha atrobe, unda cu a registra ‘solamente’ 14 caso positivo nobo di COVID19 registra, y tur ta local. Acerca mester bisa si cu ta cifranan di fin di siman, cu ta nifica cu semper esaki ta abou. Y tin e tendencia cu esaki ta subi despues atrobe, aunke ta spera cu esaki e biaha aki no ta e caso. Tambe por bisa cu 24 persona mas a recupera, total di activonan awo ta 1474, total di testnan haci ayera ta 266, di cual 52 test a wordo haci na laboratorio di hospital. 

HOSPITAL

Hospital ta informa cu tin un total di 35 persona interna di cual 10 ta den cuido intensivo y 25 ta isola riba piso general.