Grupo di ciudadano a ‘lubida’ nan sentido comun na cas den weekend

Grupo di ciudadano a ‘lubida’ nan sentido comun na cas den weekend

Posted on 09/14/2020 9:21 am AST | Updated on 09/14/2020 9:24 am AST

ORANJESTAD – Ta parce cu e fin di siman aki un grupo di ciudadano di Aruba ( y posiblemente di otro lugar) a dicidi di sali fo’i cas y laga nan sentido comun na cas. Esaki mirando e comportacion di e grupo aki rond Aruba. Nada di distanciamento social, y comportacion cu ta contradictorio di loke e mester ta den tempo di e crisis di COVID19. Beachnan tabata yen, polis cu man na cabez pa restaura e trankilidad y seguridad. Y accidentenan cu ta tuma lugar di tal forma cu ta ‘compromete’ hospital su capacidad pa cu COVID19. Tabatin sigur uno unda cu hasta motor di auto a keda tira riba caya. Asina duro e accidente tabata, pa no corda mes riba esnan cu a keda pega den auto. Tur ta casonan cu por termina den hospital of mas pio, ICU cu ta limita caba. Varios caminda durante fin di siman polis mester a actua pa asina mustra e ciudadanonan riba nan ‘sentido comun’ pero parce cu esaki no tabata yuda. Hasta durante e detencionan  cu a cay, esnan deteni tabata reta polis cu nan sa ‘miho’. E comportacion aki, lo por nifica cu aki un pa dos siman, nos lo ta yen  di casonan positivo atrobe di COVID19, of simplemente sigui registra cifranan mucho halto na e nivel aki (casi dos luna despues cu e di dos ola a cuminsa na augustus ultimo). No ta conoci si gobierno lo actua riba esaki e siman aki. A duna dos siman di tempo (for di siman pasa diaranson) pa wak si e cifranan di COVID19 por baha, sino lo anuncia 3 siman di medida di lockdown. Potret di Facebook. 

  • Grupo di persona a protesta contra abuso di mucha

    Grupo di persona a protesta contra abuso di mucha

    ORANJESTAD – Un grupo di entre 15 pa 25 persona diaranson atardi a protesta contra abuso di mucha riba Plaza Henny Eman, banda di Parlamento. A spera mas hende, pero pa e persona cu ta lidera e movimento, conocido ciudadano Richi Danies, e ta considera tur hende cu bin, como aceptabel. E intencion lo tabata pa haya mucho mas hende, pero esaki no a materialisa. 

  • Varios trahado di hospital na cas, contagia cu COVID19 sin cu ta na culpa

    Varios trahado di hospital na cas, contagia cu COVID19 sin cu ta na culpa

    ORANJESTAD – Hospital Horacio Oduber tin falta di personal medico, falta di espacio, y pa completa e obra, pashentnan ta no ta sincero riba nan situacion medico di e.o. COVID19. Asina un enfermero di Eerste Hulp, Zulaica Tromp ta conta den un video cu hospital mes a traha. Aki den, e informacion ta hopi actualisa, y ta pone e situacion real den perspectiva pa un hende cu no tin conocemento di e material. 

  • Menos caso positivo di COVID19 na Aruba pero un morto mas

    Menos caso positivo di COVID19 na Aruba pero un morto mas

    ORANJESTAD – E cifranan official di DVG di e situacion di COVID19 di awe  diaranson ta mustra ‘alentador’. Cifra di caso positivo a baha bastante, pa ta mei mei di siman na ‘apenas’ 29 positivo. Segun e resumen , 78 persona mas a recupera, e positivity rate ta 13 %. E total di casonan activo a baha cu 50 persona y awor ta na 677 awe, total di testnan haci ta 294, testnan haci bou di residentenan na laboratorio di hospital ta 216. Lamentablemente tin un morto mas cu ta haci e total aki 27.   

  • Parlamento a aproba ley cu ta regla validez di acuerdonan cera di forma electronico

     Parlamento a aproba ley cu ta regla validez di acuerdonan cera di forma electronico

    ORANJESTAD – Diamars mainta  Parlamento a aproba e ley cu ta regla e validez di acuerdonan cera di forma electronico. E cantidad di actividadnan di comercio y servicio financiero cu ta sosode di forma electronico a subi drasticamente. Teniendo cuenta cu e desaroyo di e-commerce ta sumamente necesario pa brinda e usuarionan seguridad na momento di haci transaccion via medionan electronico na Pais Aruba.

  • DVG: Caida drastico den cantidad di persona pa test pa COVID19

    DVG: Caida drastico den cantidad di persona pa test pa COVID19

    ORANJESTAD - Departamento di Salud Publico (DVG) a tuma nota cu e cantidad di personanan cu ta yega laboratorio di hospital pa haci test a baha drasticamente. Asina e vocero Jurrete Maduro ta informa diaranson mainta. Manera cu e portal aki a raporta anteriormente,  for di siman pasa a nota un cambio den cantidad di testnan cu ta wordo haci pa e virus. A compronde di fuentenan di Hospital e momento ey cu tabata pasobra tabatin scarsedad di test, cu mientrastanto a keda soluciona. Awor, segun DVG, ta resulta cu ta falta di interes tin pa hende haci test y cu ta pesey e cantidad di casonan 'positivo' a baha. Mester bisa tambe cu hospital a emiti un video ayera cu un mensahe di e situacion na Eerste Hulp, unda cu ta 'confesa' cu hendenan cu ta bin Eerste Hulp, no ta bisa cu nan tin COVID19, of cu nan tin e simptoma, te ora cu nan a pasa varios punto di control. Esaki ta crea un problema tambe pa esnan cu a bin den contacto cu nan e momento ey. 

  • Aruba tin otro morto pa COVID19 y casonan positivo a subi

    Aruba tin otro morto pa COVID19 y casonan positivo a subi

    ORANJESTAD – Aruba a registra su di 26 morto pa COVID19, y a conoce otro aumento di caso positivo diamars cu 62 caso nobo. Un dia prome esaki ainda tabata apenas 28 caso. Pero a bira un custumber cu den weekend hende no ta test casi, y te hasta nos tin e informacion (ainda) cu esaki tabata debi na scarsedad di test. E cargamento nobo di test a yega diadomingo, y dialuna a test mas hende caba. Y e resultado ta conoci. E positivity rate ta 34%, compara cu 39% un dia prome. Tene na cuenta cu e cantidad di test haci tabata hopi mas chikito si diadomingo (apenas 72). 

  • Powered by SETAR