Situacion na WEB delicado debi na contagio di e personal cu COVID19

ORANJESTAD – Mientras cu e situacion ta basta duro, ainda e ta ok na WEB. Asina noticiacla a compronde di su fuentenan fidedigno di e planta. Esaki ta debi cu for di ayera tin 50 trahado na nos planta di awa WEB (27 empleado y 23 contratista) cu ta positivo cu COVID19. For di un memo interno cu e portal aki tin den su poder, esaki ta loke a keda publica. 

DELICADO PERO OK AINDA

Segun e memo, ‘si tur situi asina, lo no tin suficiente manpower pa draai nos operacion’. “Esaki lo afecta e suministro di awwa y coriente”, e memo ta sigui bisa. Pero ainda e situacion no ta ‘peligroso’, pero no falta mucho mas, segun informacion cu e portal aki tin. ‘E situacion ta duro, pero ainda ok’, ta loke ta e mensahe dentro di WEB. 

BOLETIN

E portal a compronde cu for di e comienso di e pandemia, unda cu ironicamente e prome caso positivo a bin di un consultant internacional cu tabata traha na WEB na maart ultimo, WEB a cuminsa manda boletinan digital pa e empleadonan riba e tema. Esaki ta un di e medionan di comunicacion interno cu cual nan ta mantene nan informa, motiva y urgi nan pa yuda preveni. 

CRISIS PLAN

Nan ta sigui nan propio crisisplan cu ta conforme tur protocol di DVG, y ta comunica intensivamente pa motiva tur persona na WEB pa sigui e reglanan di distancia y higiena y di tapaboca. Empleadonan cu por traha na cas ta haci esey, tin control di un task force special riba e medidanan y a ta adapta nan wardanan di crewnan di produccion pa por sigui garantisa suministro di awa y coriente pa Aruba.