Wever: Awor Hulanda a pone varios ultimatum irealistico pa Aruba cumpli cu ne awor

Wever: Awor Hulanda a pone varios ultimatum irealistico pa Aruba cumpli cu ne awor

Posted on 09/11/2020 10:17 am AST | Updated on 09/11/2020 10:25 am AST

ORANJESTAD – Ni si Aruba firma un acuerdo cu Hulanda awor, e lo no por cumpli cu e condicionan pa haya e di tres tranche (fiansa pa e sosten di likides). Asina prome minister Evelyn Wever a bisa diabierna mainta den un entrevista radial cu Hans Geerman. Despues cu ayera nochi a bira conoci cu Aruba no ta firma awe cu Hulanda y cu Hulanda a mas bien pone 'extra condicion' pa Aruba haya placa, tabata awe mainta cu e mandatario a duna mas informacion riba e tema. Segun Wever, diripiente awor Hulanda a pone varios deadline pa cumpli cu ne relaciona cu e deal, cu dificilmente Aruba lo logra. Y si e no logra, e (Aruba) no ta haya e placa. 

DEADLINE

Segun Wever, Hulanda a haci cierto cambionan relaciona cu CAFT pero no a bay den mucho detayes, pero a mustra tambe cu Hulanda awor a pone diferente deadline pa Aruba cumpli cu ne den e acuerdo, y algun di nan ta hopi cerca cu dificilmente por cumpli. Entre otro a menciona e fecha di 15 di September proximo, esta otro siman, tambe uno dia 1 di October proximo. Y asina tin mas. Pero segun Wever, ta imposibel pa cumpli cu nan y si no cumpli, no ta haya e placa. Pues den cierto sentido, ni si a firma awe, lo no a logra cumpli y lo no a haya e placa, manera cu por a compronde di e entrevista awe mainta. 

FIANSA INTERNACIONAL?

E mandatario mientrastanto a clarifica awe mainta pa e portal aki cu e fiansa cu nan a logra y ta logrando manera menciona diahuebs anochi den e discurso nacional, ta uno local y no internacional. E pr team di gobierno a haci un ekibocacion y a pone cu ta un prestamo internacional Aruba lo ta trahando ariba, pero esaki no ta corecto. Ademas, pa un prestamo internacional, Aruba mester di aprobacion di Hulanda, y esey lo no sosode aworaki. Minister Xiomara Maduro tambe a coregi e informacion cu ta un prestamo local cu gobierno di Aruba ta trahando ariba, pero no a bisa ken, cuanto ni bou di cuanto interes esaki lo bin. 

  • Oduber: Medida nobo di New York ta sla pa economia di Aruba

    Oduber: Medida nobo di New York ta sla pa economia di Aruba

    ORANJESTAD – E decision pa manda tur biahero for di Aruba (cu bolbe New York) den cuarentena pa 2 siman, ta un sla pa nos economia. “ Nos a tuma nota di e noticia aki y sigur e no ta un noticia bon pa Aruba” minister di turismo, Dangui Oduber a bisa noticiacla.com diamars mainta como prome reaccion. Ta trata di e noticia unda cu tur ciudadano di New York cu bishita p.e. Aruba, mester bay den cuarentena obligatorio ora cu nan regresa nan pais. Esaki pa menasa di COVID19, unda cu awor ta considera Aruba tambe como un menasa. Unico paisnan den Reino Hulandes cu no ta un menasa, ta Bonaire, Saba y Statia. 

  • Bononan emiti pa gobierno di Aruba a genera 171 miyon florin

    Bononan emiti pa gobierno di Aruba a genera 171 miyon florin

    ORANJESTAD – Gobierno di Aruba a ricibi na tur, un total di 171 miyon florin di dos emission di bono (#172 y #173). Asina minister di finanza Xiomara Maduro a confirma dialuna mainta durante conferencia di prensa semanal di prensa. Mas specifico, gobierno a ricibi 100 miyon na florin y 40.3 miyon na dollar. Esaki tabata 7.3 miyon dollar na prome bono y e di dos (#173) tabata bon pa 33 miyon dollar.  Hunto, e ta suma 171 miyon florin. Segun e mandatario tur e bononan ‘a wordo cumpra pa hende local’, aunke no por a specifica ken tur ta esnan cu a paga pa ‘yuda’ Aruba. 

  • Vanessa Kock nombra como Alto Comisario di Polis

    Vanessa Kock nombra como Alto Comisario di Polis

    ORANJESTAD – Diabierna gobierno a confirma e noticia di noticiacla.com di diamars, cu Vanessa Kock ta bira e proximo Alto Comisario di polis di Aruba. Segun e comunicado, despues di a fungi pa varios aña como Comisario y full time suplente desde maart den funcion di Alto Comisario interino di Cuerpo Policial Aruba, awe Conseho di Ministro bay di acuerdo cu proposicion di minister mr. Andin Bikker pa nombra Alto Comisario suplente Sra. Vanessa Kock oficialmente den e funcion permanente di Alto Comisario di Polis. Mr. Andin Bikker a haya necesario pa nombra un Comisario permanente pa stabilidad di e Cuerpo, pa por sigui enfrenta entre otro e crisis di Corona-virus y mantene orden publico. A consulta varios ex-Comisario y ex-mandatario di Husticia cu amplio experiencia riba e tema y tur a expresa di ta di acuerdo cu esey lo ta e miho decision bow di e circumstancianan actual. Comisario Sra. Vanessa Kock a demostra liderazgo precisamente den momento di crisis cu nos pais ta aden, tanto pa mantene e Cuerpo Policial operando y di otro banda garantisa orden publico na tur ciudadano y bishitante riba nos isla.

  • Maduro: Crisis team lo evalua preocupacion di AFBA di horario di TdQ

    Maduro: Crisis team lo evalua preocupacion di AFBA di horario di TdQ

    ORANJESTAD - Dialuna mainta Minister Maduro di Economia a reuni cu Aruba Food and Beverage Association pa asina scucha nan preocupacion y nan sugerencia pa e medidanan necesario cu ta wordo tuma pa combati COVID19 na nos Pais. E reunion aki a bira necesario despues cu siman pasa diasabra varios empleado di restaurantnan riba e strip di Palm Beach a demostra nan malcontento pa e horario nobo di toque de queda como medida necesario pa baha contagio di COVID19 na Aruba. 

  • Minister Bikker lo kier propone Vanessa Tjon-Kock mes pa Alto Comisario

    Minister Bikker lo kier propone Vanessa Tjon-Kock mes pa Alto Comisario

    ORANJESTAD – Si tur cos ta bon, awe mainta minister Andin Bikker ta propone Vanessa Tjon Kock como e proximo Alto Comisario di polis durante e reunion di conseho di minister di gobierno. Por lo menos asina e portal aki a compronde di fuentenan fidedigno cerca di e proceso. Intentonan pa confirma esaki no tabata posibel ainda ya cu varios persona, incluyendo ‘doño di curpa’ a ‘desmenti’ e informacion aki. 

  • Oduber: Gobierno a bisa no na retiro obligatorio na AAA

    Oduber: Gobierno a bisa no na retiro obligatorio na AAA

    ORANJESTAD – Minister di Turismo  Dangui Oduber ta ta bisa no na retiro obligatorio na AAA. Asina el a declara den un comunicado dialuna. E mandatario a elabora riba e situacion cu Aruba Airport Authority (AAA) ta pasando aden.

  • aruba airlines
  • Powered by SETAR