Dama relativamente hoben ta fayece di COVID19 awe mainta

ORANJESTAD – Aruba a registra un otro morto di COVID19, ora cu un dama a fayece awe marduga. Loke ta hala atencion den e caso aki, ta cu di parti di e banda di e famia ta declara cu ta negligencia medico a pone cu e ruman ‘Siki’ Tromp (48) a fayece. Segun e ruman, un dia prome a pidi ayudo medico, pero segun nan version, a manda nan di cashi pa muraya, dificultando e proceso pa e por a bay hospital. Tabata dia 8 di e luna aki cu el a test positivo pa COVID19 y ayera su situacion a bira mas critico. Finalmente awe mainta a bin haya e ruman morto na su cas na Driemasterstraat. E portal aki no a haya otro version ainda riba e caso aki. Noticiacla.com ta manda palabra di condolencia na famianan.