Aruba a yega cantidad record di caso positivo pa un dia awe:141

ORANJESTAD – Envez di baha, e cantidad di casonan positivo di COVID19 ta keda subi. De hecho awe diaranson DVG a confirma cu e casonan a aumenta di diamars pa diaranson cu 34, pa un cantidad nobo di no menos cu 141 nobo riba un solo dia. Esaki ta e cantidad di mas halto riba un dia durante e di dos ola for di momento cu e la cuminsa na augustus. Te cu awe, e cantidad mas halto di caso riba un solo dia, tabata 133 riba 7 di augustus ultimo, por lo menos durante e di dos ola. Esaki ta casi 37% di e total di test cu a wordo haci. Ademas, 58 persona mas a recupera, total di activonan awo ta 1364, total di testnan haci ayera ta 386, di cual 291 test a wordo haci na laboratorio di hosptal y caso di fayecimento relata na Covid-19 ta 15.