Tiro y huma for di sitio unda cu sospechosonan tin rehen

PARIS – Huma y tiro tabata wordo scucha y mira for di e sitio unda cu e dos sospechosonan di e masacre di Charlie Hebdo tin un rehen teni. Aparte di esey, e otro situacion di rehen simultaneo, tambe tin desaroyo. E dos sospechosonan ey, a menasa di tira e rehennan mata eynan si polis ataca e otro sospechosonan, cu tin e rehen na Dammartin-en-Goele.

Polis frances awe mainta (ora di Paris, tabatin un edificio rondona den un pueblo norteño unda cu e dos hombernan sospecha di e masacre di Charlie Hebdo tin un rehen teni. Ta trata di e pueblo Dammartin-en-Goele, 35km di Paris. Tin indicacion cu polis tabata negociando cu e dos rumannan, pero cu e rumannan a bisa cu nan ta prepara pa muri como martir.

E desaroyo aki ta bin 48 hora despues cu e dos hombernan aki a tira 12 persona mata, den e masacre horible aki den centro di Paris. E hombernan bon arma a bandona Paris den un auto despues di a comete e acto terorista aki. E di tres persona mientrastanto a entrega su mes un dia pasa na autoridad Frances.