Debi na aumento di pashent pa COVID19, hospital ta atende casonan di emergencia so

ORANJESTAD – E hecho cu e cantidad di hospitalisacion pa COVID19 a aumenta basta hopi manera cu noticiacla a raporta den forma di primicia diamars, a pone awor cu e portal a haya confirma cu e situacion ta afectando e operacion di hospital. Vocero di hospital Charlaine Huntington a informa cu esaki ta nifica cu desde awe hospital ta escala temporalmente. 

EMERGENCIA SO

Loke e escalacion kier men ta cu hospital ta bay over riba solamente cuido di emergencia pa asina tin mas capacidad di personal den cuido pa por brinda cuido riba B3, B4 y ICU. Esaki ta encera pues cu cuido electivo y dagopname cu no ta di emergencia lo ser posponi temporalmente. Pues solamente operacionnan di emergencia lo tuma luga. Pues, pa clarifica, esaki kier men cu temporalmente HOH lo bay brinda cuido di emergencia so, pues dagopname, operacionnan planea lo ser posponi pa asina tin mas capacidad di personal pa brinda cuido na pashentnan di COVID-19.