Pasaheronan di buelo humanitario a keda someti na control di COVID19 ora a yega Venezuela

Posted on 09/7/2020 9:00 pm AST | Updated on 09/7/2020 9:01 pm AST

LAS PIEDRAS – Dialuna atardi, manera cu noticiacla a raporta caba, e buelo humanitario pa Venezuela for di Aruba a tuma lugar porfin. Finalmente ta 78 pasahero (di 100 cu tabata poni pa biaha), a yega Las Piedras, estado Falcon unda cu nan a keda ricibi pa e.o. Gobernador Victor Clark, y e secretario di salud. Despues di a keda someti pa un control completo medico, a transporta tur pasahero pa nan respectivo residencia, sea fiho of temporal. Manera por mira di e potretnan exclusivo obtene pa e portal aki, unavez cu e avion a yega, a haci un limpiesa total di tanto e avion como ekipahe, y a controla e pasaheronan un pa un. Manera ta conoci hopi di nan, pa no bisa mayoria, tabata personanan cu a keda deporta, debi cu nan estado tabata ilegal riba e isla. Pero debi na e crisis di COVID19, no tabatin buelo pa Venezuela pa cual hopi a keda deteni den e centro di detencion na Guarda Nos Costa. Finalmente cu intento di embahada Hulandes y esfuersonan di gobierno Venezolano, a logra saca un buelo dialuna. A compronde cu tin mas persona cu tin y kier biaha, pero no ta conoci si lo tin mas buelo por lo pronto. 

  • Bonaire a registra otro morto y 47 caso positivo nobo di Covid19

    Bonaire a registra otro morto y 47 caso positivo nobo di Covid19

    KRALENDIJK – Bonaire a registra su di 9 morto pa Covid y 47 caso positivo nobo dialuna. Esaki ta di e 98 personanan cu a test diadomingo na Bonaire. Mientrastanto 6 hende a recupera di Covid-19. En total tin 13 persona den hospital. Tin 8 persona hospitalisá na Bonaire. A transporta 4 persona pa hospital na Corsou y 1 persona pa hospital na Aruba. 3 persona ta haña cuido intensivo den hospital na Bonaire.z

  • Corsou a cuminsa vota pa e Eleccion Parlamentario 2021

    Corsou a cuminsa vota pa e Eleccion Parlamentario 2021

    WILLEMSTAD – Awe mainta 8’or ciudadanonan di Corsou a cuminsa deposita nan voto na un di e 117 urna electoral cu a habri for di 8’or awe mainta pa e eleccion Parlamentario 2021. Un total di 116000 hende por deposita nan voto pa un di e 15 partidonan politico cu ta participa na e eleccion aki. Pa 8’or awe nochi e urnanan ta cera nan porta pa asina e conteo di voto cuminsa. Den curso di dia, noticiacla.com lo tin raportahe periodico riba e progreso di e dia. E potret ta di votamento awe mainta na e urn ana Goilo School na Julianadorop. Potret cortesia Extra Curacao. 

  • Hulanda a pone Bonaire riba codigo oraño bek debi na aumento di Covid19

    Hulanda a pone Bonaire riba codigo oraño bek debi na aumento di Covid19

    DEN HAAG/KRALENDIJK – Hulanda a pone Bonaire riba codigo oraño mesora diamars ora cu a bira conoci cu e isla ta bay riba lockdown. Manera por mira riba e portal Hulandes cu ta attende cu esaki, e cambio a sosode ayera mes, esta cu ta ‘ahusta’ per 16 di maart 2021 te proximo aviso. Esey ta nifica cu por biaha solamente si ta hopi necesario. Algo cu ta perhudica Bonaire grandemente mirando cu e cantidad mas grandi di turista ta bin netamente for di Hulanda. Gezaghebber Edison Rijna no tabata sorprendi ora cu e portal aki a comunica cu ne awe mainta y a bisa cu a spera esaki. Pero cu lo traha duro pa cambia esaki bek mas liher cu ta possible. Pa loke ta e otro islanan Aruba y Corsou, nan ta riba oraño caba y ultimo dia cu a actualisa esaki tabata riba dia 3 di maart caba y ta vigente te proximo aviso.

  • Rijna: Bonaire ta bay den lockdown debi na situacion di Covid19

    Rijna: Bonaire ta bay den lockdown debi na situacion di Covid19

    KRALENDIJK – Bonaire diamars atardi a anuncia un lockdown completo entrante 18 di maart proximo. Gezaghebber di e isla Edison Rijna a anuncia cu ta pasa pa nivel mas halto cu ta nivel 6. Y hunto cu esaki, ta implementa un Toque de Queda y ley seco tambe. Esey ta nifica cu for di 9’or di anochi pa 4’or y mei di marduga no por tin hende riba caya. Ademas ta stop benta di alcohol, alomenos cu nan ta huesped di hotel. 

  • Bonaire a registra su cantidad mas halto pa un dia di casonan positivo pa Covid19

    Bonaire a registra su cantidad mas halto pa un dia di casonan positivo pa Covid19

    KRALENDIJK – E cifranan di caso positivo pa dia di Covid19 na Bonaire ta sigui subi alarmantemente. Dialuna esaki no tabata diferente, ora cu a raporta e cifra porta mas grandi di cantidad riba un dia, di 24, den 8 dia di tempo. Esaki a pone cu den apenas 8 dia, e total activo a subi di 25 caso te na 113, esta un aumento di 88 caso. Algo sigur cu ta hopi preocupante pa e isla di Flamingo. Bonaire no a basila y for di diabierna atardi 6’or a escala su nivel di 3 pa 5 cu ta uno menos cu un lockdown completo. 

  • Bonaire ta escala medidanan contra Covid19 debi na aumento rapido di casonan

    Bonaire ta escala medidanan contra Covid19 debi na aumento rapido di casonan

    KRALENDIJK - E medidanan di corona ta bira mas severo entrante 5 di maart 2021 18:00 or te cu diabierna 19 di maart 2021 mei anochi. Asina un comunicado di gobierno di e isla di Flamingo ta bisa. E motibo di e escalacion repentino ta e aumento repentino di e casonan e ultimo dianan aki. Aki por papia cu pa dos dia sigui tabatin mas di 15 caso pa dia, cu pa e isla ta hopi. E casonan extra ta pone un presion mas grandi aun riba e salud publico di ie isla. A dicidi awor pues pa pasa di nivel 3 pa nivel 5 (penultimo nivel) di e plan di nivel di riesgo. Pa mira e lista di medidanan cu ta keda escala, click AKI. 

  • Powered by SETAR