Polis Frances tin sospechosonan di masacre Charlie Hebdo rondona

PARIS – Polis frances tin un edificio rondona diabierna mainta den un pueblo norteño unda cu e dos hombernan sospecha di e masacre di Charlie Hebdo tin un rehen teni. Ta trata di e pueblo Dammartin-en-Goele, 35km di Paris. Tin indicacion cu polis ta negociando cu e dos rumannan, pero cu e rumannan a bisa cu nan ta prepara pa muri como martir. E desaroyo aki ta bin 48 hora despues cu e dos hombernan aki a tira 12 persona mata, den e masacre horible aki den centro di Paris. E hombernan bon arma a bandona Paris den un auto despues di a comete e acto terorista aki. E di tres persona mientrastanto a entrega su mes un dia pasa na autoridad Frances.