Colegio Conrado Coronel a cera pa un siman debi na COVID19

ORANJESTAD – Apenas 2 dia cu scol a habri bek na Aruba, un scol mester cera su portanan debi na COVID19. Diadomingo anochi mayornan di Colegio Conrado Coronel a haya notificacion cu ta cera e scol pa full e siman (aunke e carta oficial ta bisa cu e ceramento ta ‘te proximo aviso’) pasobra un docente a test positivo pa COVID19. Inicialmente kier a djis reemplasa e docente, pero a resulta cu e tabatin contacto cu tur otro docente e siman ey durante un reunion. Cu esaki, a pone cu a dicidi cu ta cera e scol pa un siman pa e docentenan bay den isolacion pa 7 dia. Cu esaki, e scol aki ta bira e prome ‘victima’ di COVID19. 

OTRO SCOLNAN

No tin indicacion cu e caso aki lo tin efecto riba otro scolnan den sentido cu mester cera otro scolnan pa evita algo similar. Na Corsou a usa e practica cu ta djis cera e scol y haci e limpiesa necesario, pues ta contene e problema na e scol en cuestion, como un caso isola, pero no ta pasa pa cera tur otro scol. Na Corsou tin varios scol cu a keda afecta pa COVID19 unda cu p.e. alumno ta keda contagia na cas, y of docente(nan) ta keda contagia