Cantidad record di pashent di COVID19 hospitalisa riba un dia

ORANJESTAD – Hospital Horacio Oduber a registra un cantidad record di pashent hospitalisa pa COVID19 entre diasabra pa diadomingo. E total registra riba un solo dia tabata 9 pashent. Te cu awor, e cantidad mas grandi den un solo biaha tabata 6. Mester bisa si cu 6 pashent a sali di hospital tambe. Pa loke ta ICU, e cantidad ta keda mescos na 9, unda cu un persona nobo a drenta ICU y un otro a sali. Mientras cu CRISIS team a informa repetidamente cu e capacidad di ICU ta adecua y no tin problema, informacion interno cu e portal aki tin, ta cu esaki no ta cuadra. Segun Crisis team, si ta necesario por aumenta e capacidad pa 33 unidad di ICU, pero segun informacion cu e portal tin, esaki ta ‘solamente’ 20.