Polis a cuminsa controla number di auto caba

ORANJESTAD – E control di polis pa loke ta impuesto di vehiculo di motor a inicia. Asina vocero di polis Lito Laclé a confirma pa noticiacla. Segun Laclé, e trabou lo wordo haci mayoria biaha pa e unidad di motor, esta e motor unit (polis motorisa). Manera ta conoci departamento di impuesto a duna ok na polis pa cuminsa controla entrante 1 di September 2020. Y esaki enberdad a cuminsa. Tin 14 mil persona cu ta den incumplimento, y cu lo por haya nan mes mal sirbi. No solamente cu un multa di polis, sino riba dje nan ta haya un multa caba ora cu nan bay paga nan impuesto awor, pasobra automaticamente ora cu e fecha vence, e multa ta wordo añadi.