Cantidad di persona hospitalisa pa COVID19 na Aruba a subi te 36

ORANJESTAD – Un biaha mas e cifranan di hospital Horacio Oduber ta comproba cu e situacion di COVID-19 ta critico. Esaki mirando cu segun cifras ricibi diaranson, ta mustra cu e cantidad di persona den ICU ta keda 9 (uno a drenta y otro a sali), y e cantidad di pashent riba piso, ta 27 total (2 a sali y 4 pashent nobo a keda interna). Loke ta notable, ta cu e total ta kedando mescos (casi), siendo cu e realidad ta cu hendenan ta drentado tur dia na cantidad di entre 5 pa 6 persona, cu por wordo considera como hopi.