Minister Lopez Tromp a bin Parlamento cu ‘mas’ documento cu biaha pasa!

ORANJESTAD – Cu casi un ora di retraso, e reunion #28 di Parlamento cu a keda geschorst dia 31 di juli ultimo, a continua awe mainta. Ta trata e tema di confiansa pa minister Marisol Lopez Tromp. Ora cu porfin minister Marisol Lopez Tromp a reacciona cu un punto di orden, el a adelanta e situacion cu por presenta. Segun Lopez, desde e ultimo reunion, a bin mucho mas ‘cos’ acerca pa cual mester a ‘update’ e documentonan pa por a presenta esaki awe den Parlamento. E pregunta a bin di partido MEP cu a mustra cu no tabatin documento ‘ainda’ riba mesa pa por a wak pa por ta informa. Ora cu Lopez Tromp a contesta, a bisa cu ta pues pasobra tin mucho mas ‘cos’. Kico esaki ta, lo nos tende. Tin varios caso cu tin ‘vordering’ cu ta nifica cu nan ta den proceso, y cu pa motibo di esey, no por mustra e documentonan ey. E mandatario a bisa cu tin por lo menos 30 documento cu Parlamento por haya 'ter inzage'. Keda pendiente pa e desaroyo durante dia.