AHATA: Casi tur casino na Aruba awor ta ‘non-smoking’

AHATA: Casi tur casino na Aruba awor ta ‘non-smoking’

Posted on 09/1/2020 3:03 pm AST | Updated on 09/1/2020 3:04 pm AST

ORANJESTAD - Tur casino miembro di Aruba Hotel and Tourism Association (AHATA) a dicidi pa bira non-smoking, como parti di nan enfoke riba e salud di nan empleado- y clientenan. Actualmente tin un ley pendiente pa prohibi e humamento paden, pero e ley no a pasa den Parlamento ainda. 

Mientrastanto, e casinonan na Aruba a introduci e prohibicion boluntariamente pa nan mes. Cu e pandemia di COVID-19 a bira mas importante cu nunca pa proteha salud y e sistema respiratorio di un y tur. 

Desde awe, 1 di September 2020, e prohibicion lo ta na vigor na tur 11 casino.

E 11 casinonan ta: The Casino at The Ritz-Carlton, Alhambra Casino, Glitz Casino, Stellaris Casino, The Casino at Hyatt, The Casino at Hilton, Cool Casino, Liv Casino, Wind Creek Casinos, and Eagle Casino. AHATA ta orguyoso di e paso responsabel tuma pa tur casino.

  • DIMAS: Clientenan por ricibi restitucion di suma paga ateriormente

    DIMAS: Clientenan por ricibi restitucion di suma paga ateriormente

    ORANJESTAD - Restitucion ta significa cu e cliente por haya (un parti di) e gastonan haci pa su peticion di permiso. Na DIMAS nos ta conoce e resititucion di e waarborgsom (deposito) y e restitucion di leges (tarifanan). Durante di e ultimo lunanan aki hopi cliente a ricibi un carta indicando cu nan por ricibi un restitucion di un di e sumanan paga.

  • TjinAsjoe: Medida di New York tin impacto sigur riba Aruba

    TjinAsjoe: Medida di New York tin impacto sigur riba Aruba

    ORANJESTAD – Oficina di turismo di Aruba (ATA) tabata ocupa diamars mainta cu aeroliñanan Mericano segun e CEO Ronella TjinAsjoe-Croes a bisa noticiacla.com diamars mainta, relaciona cu e decision ehecutivo di Gobernador di New York dialuna, cu ta obliga tur ciudadano di e estado ey, pa bay den cuarentena ora cu nan bolbe di un pais nivel 2 of 3 pa loke ta COVID19. Aruba ta riba e lista aki, manera cu e portal aki a raporta caba, y e ta afecta nos grandemente. “Manera bo por imaginabo cu esaki tin un impacto no solamente riba Aruba y destinonan otro pero tambe e aeroliñanan, trip leaders, hopi business cu ta bin for di e mercado aki” TjinAsjoe a bisa. E hendenan cu e CEO ta menciona, lo tambe ta activando. “Nos tin cu compronde kico esaki kier men”. Mientrastanto AHATA y Minister di Turismo di Aruba tambe a reacciona di un mesun forma riba e tema fastioso aki. 

  • Banco Central di Aruba ta refuta cu florin di Aruba ta na peliger

    Banco Central di Aruba  ta refuta cu florin di Aruba ta na peliger

    ORANJESTAD – E florin di Aruba no ta na peliger. Den un comunicado di prensa, Banco Central di Aruba (BCA) a reacciona riba ponencianan cu segun e instituto financiero, ta infunda y eroneo di sr. Arjen Alberts manera publica den un matutino recientemente.   

  • AHATA: Medida nobo pa turistanan cu bolbe New York for di Aruba ta devastador

    AHATA: Medida nobo pa turistanan cu bolbe New York for di Aruba ta devastador

    ORANJESTAD – E CEO e asosacion turistico hotelero (AHATA) Tisa LaSorte ta considera e noticia di cuarentena pa pasaheronan di New York for di e.o Aruba, como ‘devastador’. Asina e ta bisa noticiacla.com diamars mainta den su prome reaccion riba e tema. Ta trata di e noticia unda cu gobernador di e estado menciona, ta obliga tur biahero di paisnan manera Aruba (nivel 2 y 3) pa bay den cuarentena ora nan bolbe New York. Esaki kier men cu tur turista cu bishita Aruba, for di New York, tin cu bay den cuarentena dos siman. Algo cu lo pone un turista asina pensa dos biaha.

  • Lotto: Apesar di pandemia, a haya sigui conta cu sosten di pueblo

    Lotto: Apesar di pandemia, a haya sigui conta cu sosten di pueblo

    ORANJESTAD - Apesar cu nan a keda cera durante tres luna di e pandemia y despues awo a perde 2 ora crucial di benta tur dia, toch e comunidad di Aruba ta sigui sostene Lotto pa Deporte. Asina e compania ta bisa dialuna den un comunicado. E fundacion cu ta maneha e loteria riba nos isla a expresa su gradicimento na tur cu ta sigui cumpra nan productonan y asina aporta directamente na desaroyo di deporte riba nos pais. Mientras cu benta ta sigui subi, asina ta e premionan tambe y e chens pa cambia bida di e cumpradonan.

  • Wever Croes: Aruba wardando ainda riba contesta di Hulanda

    Wever Croes: Aruba wardando ainda riba contesta di Hulanda

    ORANJESTAD – Gobierno di Aruba ainda no a ricibi contesta di Hulanda ainda pa e prestamo ‘extra’ pa cubri e buraco cu a bin pa loke ta pagonan di juli y augustus ultimo.Y for di reaccion di e prome minister di Aruba, e rosea financiero no ta wanta mucho mas, prome cu tuma e  decision pa usa e fondo genera cu e emision di bono. Si haya e placa di Hulanda, e portal aki a compronde di e prome mandatario, cu lo no usa e placa di e bono.   

  • Powered by SETAR