Practicamente tur dia ta hospitalisando hende pa COVID19

ORANJESTAD – E cantidad di pashentnan di COVID19 hospitalisa ta keda un problema. Esaki den sentido cu pa dia practicamente 2 pa 3 persona ta keda interna. Entre diadomingo y diadomingo, un total di no menos cu 6 persona ‘nobo’ a keda interna pa un total di 24 persona, mientras cu e cantidad di pashent den ICU a keda 8, cu ketobay ta hopi. Na tur, e cantidad compara cu un dia pasa ta aumenta cu 5 (di 27 pa 32). 

CANTIDAD DI PASHENT CONTAGIA

Pa loke ta e cantidad di pashent contagia, esaki a baha diadomingo te na 22, di cual 1 so ta un persona no residente. Y no tabatin ningun hende cu a recupera diadomingo. A haci menos test tambe cu ta un total di 245, cu ta 152 menos cu diasabra.