Polis a sigui cu detencionan durante Toque de Queda diadomingo marduga

ORANJESTAD – Diadomingo marduga polis tabata activo atrobe cu detencion durante e siguiente Toque de Queda, despues cu esaki a para diasabra marduga. Noticiacla.com a subi caya diadomingo marduga y a mira polis den accion cu e detencionan. Na tur, polis a detene 9 persona. Na Santa Cruz mes polis a detene un persona cu a haya ta cana riba cay. A transporte pa warda di San Nicolas, y e ta haya un multa di 1000 florin. Tabatin varios detencion mas, unda cu entre otro e conocido Richi Danies y algun otro persona a keda deteni atrobe dilanti Parlamento. Na Warda di Macuarima, a pidi asistencia di ambulance, sea ta pa personal di polis mes, of un preso, pero e detayenan no ta conoci. 

INTERUPCION

Tabatin un anochi di interupcion, diasabra marduga ora cu algun rato prome, un memo interno a informa tur polis cu no por actua contra esnan cu lo ta riba caya, pa motibo di Toque de Queda. Despues a bin conoce cu ta Ministerio Publico no a haya motibonan suficientemente fuerte pa hustifica multa (y detencion) di personanan durante e Toque de Queda reactiva e siman aki. Sinembargo den curso di diasabra, cos a cambia unda cu a opta pa continua toch cu e Toque de Queda y cu polis lo actua consecuentemente ora cu ta necesario. Y esaki enberdad a continua diadomingo marduga. 

PRENSAE diferencia grandi e biaha aki cu e Toque de Queda, ta e relacion cu polis y prensa, unda cu e biaha aki prensa por a haci su trabou trankil, contal cu e tene su mes na reglanan stipula pa polis. A cambio, prensa por a move trankil y haci su trabou di cobertura di e Toque de Queda. Contrario na e ultimo biaha tambe, e biaha aki, no tabatin un cantidad stipula di prensa cu por tabata riba caya. Den pasado, tabata permiti un grupito tur anochi, y mester a varia esaki entre coleganan di prensa. E biaha aki, cos ta mucho mas trankil regla, y e ta funcionando bon. Polis enberdad a laga prensa traha trankil, y haci su trabou.