Bikker: Tanten cu tin un of mas miembro di directiva di partido POR, tin directiva

ORANJESTAD – “Tanten cu tin un of mas bestuursleden tin bestuur conform statuten, ademas ta bezig cu e proceso statutario pa apunta bestuur nobo, ta un proceso interno di partido”, lider interino di partido politico POR, Andin Bikker a bisa noticiacla.com diabierna atardi. Esaki riba e pregunta si tin directiva y si e partido POR ta existi ainda. E no a bisa si, cuanto miembro a keda y ken nan ta. 

POR NO TA EXISTI MAS?

Tabatin rumor for di diahuebs, cu ta bisa cu partido POR no ta existi mas debi cu no tin directiva. Hecho ta cu e portal aki a compronde cu un total di 4 miembro di directiva di partido POR a entrega nan retiro, cu ta laga e partido cu apenas un miembro di directiva. E miembronan cu a entrega nan retiro, ta Otmar Oduber como e.o. presidente di Partijraad, Partijbestuur. Un otro nomber cu e portal aki a haya ta di Andin Bikker como secretario general di directiva di partido, pero el a desmenti esaki diabierna atardi na e portal, esta cu e lo a entrega su retiro. Tin tambe Serge Mansur, como tesorero y Ronny Maduro, tambe como miembro di directiva.  Conform articulo 10 jo 15, e nombracion di un miembro di directiva nobo mester sosode via congreso yama cu 14 dia di anticipio notificando e punto di agenda. Potret ta di archivo di noticiacla.com.