Total di pashent di COVID19 den HOH ta igual pero a baha den ICU

ORANJESTAD – E cantidad di persona interna den Hospital Horacio Oduber ta sigui igual, cu ta 32 total, pero e cantidad cu a cambia ta e cantidad den ICU y esun riba piso (3) . Den e caso aki e cantidad den ICU a bira 7 (e tabata 8) y esun riba piso a bira 25 (e tabata 24). Notable ta cu mientras cu tur e dianan aki, e portal aki tabata haya su informacion di su fuentenan fefedigno, for di awe diabierna Hospital mes a dicidi di cuminsa suministra e informacion specifico aki. E cantidad ta keda alarmante, pero manehable. No ta conoci si e prome anochi di e Toque de Queda reintroduci awe marduga, a trece cambio caba. E TdQ a keda reintroduci pa netamente cuida e cantidad di cama den ICU y tambe piso, pa sigura cu nan no ta wordo yena cu casonan di trauma (accidente (sea trafico of domicilio) of otro actonan cu ta rekeri tratamento den ICU, sino cu e ta keda ‘liber’ pa e casonan di COVID19 so.