Premier Rhuggenaath ta compronde medida di Aruba pa cera bubble

Premier Rhuggenaath ta compronde medida di Aruba pa cera bubble

Posted on 08/27/2020 4:27 pm AST | Updated on 08/27/2020 4:35 pm AST

WILLEMSTAD – Mientras cu oficialmente gobierno di Corsou no a haya notificacion ainda cu Aruba ta cancela e ‘bubble’ cu e isla bisiña otro siman, prome minister di e isla en cuestion, esta mr Eugene Rhuggenaath ta haya e medida comprendibel. Asina el a bisa noticiacla.com diahuebs atardi.” Mi por bisa cu mi no a ricibi un notificacion oficial ainda.  Sinembargo mi por bisa cu e medida aki ta comprendibel, mirando cu Corsou a bini cu restriccionnan similar na momento cu e casonan positivo na Aruba a escala” e prome minister a sigui comenta na e portal aki. Aruba a anuncia diaranson anochi cu entrante dialuna awor, ta cera e bubble cu Corsou y Bonaire debi na e situacion di COVID19 riba nos isla. 

CONVIVENCIA 

E mandatario mesora tambe a manda palabra di forza pa su colega di Aruba, Evelyn Wever Croes riba e situacion actual. “Na prome luga mi kier expresa mi combibencia cu nos rumannan na Aruba, y mi colega Prome Minister Evelyna Wever-Croes, cu mi tin hopi contacto cu ne y cu mi sa a haci tur loke ta posibel pa proteha comunidad di Aruba di e menasa di Corona virus. Nos tin Aruba den nos oracion” Rhuggenaath a sigui bisa. 

SITUACION DI CORSOU

E mandatario a repasa tambe e situacion di COVID19 na Corsou.  “Corsou tambe for di siman pasa tin algun caso cu a resulta di ‘local spread’ (personanan contagia local). Esaki por ta motibo pa e medida aki pa loke ta Corsou” e mandatario a sigui bisa. “ Mi no sa si e mesun argumento aki ta valido pa Boneiru. Un motibo mas valido kisas ta si esaki ta un medida general, cu ta conta pa mas pais, pa limita posibilidad di importacion di e coronavirus na Aruba. Mirando e situacion actual di casonan activo na Aruba, mi por compronde un paso asina” e mandatario a sigui bisa. “Mi ta spera di curason cu e situacion aki lo keda domina, tanto na Aruba komo Corsou, y cu nos lo por habri e ‘bubbel’ mas pronto posibel, mirando e importancia pa mantene conectividad entre paisnan di Reino den Caribe pa motibonan familiar, social, cultural y economiko. Aruba y mi colega Evelyna por conta cu mi sosten semper” e mandatario a finalisa bisando. 

  • Ex vocero di OM na Corsou a perde caso di retiro contra gobieno

    Ex vocero di OM na Corsou a perde caso di retiro contra gobieno

    WILLEMSTAD – Ex vocero  di Ministerio Público (OM), Norman Serphos a perde su caso di retiro cu el a entama contra gobierno di Corsou. Asina e portal Extra Curacao ta raporta. For di den luna di juli, Corte di ambtenaar a trata e caso di Serphos kende a bai corte pa bringa su retiro.

  • (Ex) presidente di CHATA a lansa su mes partido politico na Corsou

    (Ex) presidente di CHATA a lansa su mes partido politico na Corsou

    WILLEMSTAD – E (awor) ex presidente di Curacao Hotel & Tourism Association (CHATA) Miles Mercera e fin di siman aki a postula su mes como politico activo, completo cu un anuncio visual y carta habri, anunciando su partido Vishon y su posicion como lider di e partido. Mercera a inicia su carera turistico for di e base, y a traha durante añanan, te cu e la yega na e posicion maximo di presidente di CHATA. A compronde cu diabierna el a entrega su retiro como presidente di e asosacion hotelero. Otro aña maart tin eleccion parlamentario na Corsou. Wak e video AKI. 

  • Corsou a escala medida pa fase 3 cu e.o. Toque de Queda

    Corsou a escala medida pa fase 3 cu e.o. Toque de Queda

    WILLEMSTAD – Corsou ta escala su situacion di COVID pa fase 3. Asina prome minister di Corsou Eugene Rhuggenaath a anuncia dialuna mainta durante conferencia di prensa. E FAse aki ta encera Toque de Queda entrante 17 di September proximo, valido pa 3 siman. E TdQ ta entre 11’or di anochi pa 5 or di marduga e siguiente dia. No ta permiti samenscholing di mas di 4 hende. Horeca por keda habri te 10’or di anochi. Truk di pan di 5’or di atardi pa 10or di anochi. Actividadnan deportivo por, sin publico. Esaki debi na e aumento considerable di casonan di COVID e ultimo dianan. Den fin di siman so tabatin 22 caso extra positivo di COVID19. Potret cortesia Dick Drayer. 

  • Ex minister di Corsou a haya mas castigo di prison den apelacion

    Ex minister di Corsou a haya mas castigo di prison den apelacion

    WILLEMSTAD – Ex minister di Corsou Jacinta Constancia (MFK) y su ex casa a haya ambos dos luna extra di castigo di prison den corte di apelacion. Esaki den e caso di fraude di tapabocas pa hospital. E tabata entre otro minister di Salud e tembe ey. Na 2012 e lo a comete fraude y lo a laga paga un instancia 360 mil florin pa 40 mil tapaboca. E tapabocanan nunca no a yega y e placa a disparce. Den corte di prome instancia, a sentencia ambos na 20 luna di castigo di prison. Pues awor ambos a haya un luna extra. Nan tin 2 siman pa apela y bay casacion. Potret ta di archivo, cortesia Extra Curacao. 

  • Centralnan sindical na Corsou cu protesta contra CHE ta marcha pa topa Knops

    Centralnan sindical na Corsou cu protesta contra CHE ta marcha pa topa Knops

    WILLEMSTAD – E dos centralnan sindical diahuebs mainta a topa na  Plaza Mundo Merced, miho conoci como Waaigat na Corsou den un intento pa mustra secretario di estado Hulandes Raymond Knops, nan malcontento pa cu e entidad CHE cu Corsou mester acepta di ta parti di dje, pa por haya mas placa di ayudo. E intencion tabata pa cana topa e mandatario na Hotel Avila, pero esaki a cambia. A compronde cu Knops a cambia su schedule pa por a topa e grupo aki na oficina di VNO mes na Skarlo den centro. E mandatario a bisa caba awe mainta cu e no tin problema pa topa cu e manifestantenan ya cu e ta considere un chens pa e por splica nan e situacion. 

  • Alumno di scol basico na Corsou a test positivo pa COVID-19

    Alumno di scol basico na Corsou a test positivo pa COVID-19

    WILLEMSTAD – Un studiante di scol basico Vigdis Jonckheer Mensing College a test positivo pa COVID-19 den fin di siman. Asina e scol a laga sa. E hoben ta biba den un cas unda cu tin tin dos persona positivo caba di COVID-19 y asina a keda contagia. Oficialmente ainda epidimiologo di Corsou Izzy Gerstenbluth no kier a confirma e informacion ainda. Ayera mainta ainda, el a desmenti rumor cu lo tin un alumno di scol contagia. No ta conoci si e informacion no tabata confirma e momento ey of ta haya, nan no a haya e informacion ainda. 

  • Powered by SETAR