Knops ta ripiti na Tweede Kamer: Sin acuerdo, Aruba no ta haya placa

Knops ta ripiti na Tweede Kamer: Sin acuerdo, Aruba no ta haya placa

Posted on 08/27/2020 4:07 pm AST | Updated on 08/27/2020 4:09 pm AST

DEN HAAG – Tanten no tin un acuerdo claro cu e.o Aruba, Hulanda no ta pone e ayudo di likides disponibel. Cu esaki, secretario Hulandes Raymond Knops a bolbe subraya cu sin acuerdo, Aruba no ta haya placa. Knops den un carta di 30 pagina fecha awe na Tweede Kamer, a contesta como 80 pregunta di 5 fraccion riba e pakete di ayudo cu Hulanda a ‘ofrece’. Y entre e contestanan atrobe, Knops ta subraya cu e consecion di e di tres tranche, ta sosode ‘despues cu a cumpli cu e condicionan mara na e di dos tranche, y si tin asentimento politico riba e condicionan valido pa e di tres tranche. “Pesey te cu awor, no a duna nada di sosten likides” Knops a bisa. Mes momento sinembargo, Knops ta sigura si cu si Aruba (y e otro islanan no keda cla cu e compromiso), Hulanda lo sigui duna ayudo di emergencia den forma di cuminda. “Hulanda lo no laga esnan vulnerable na caya”, Knops a sigura Tweede Kamer. 

ENTIDAD

Un otro asunto cu a wordo ‘subraya’ atrobe pa Knops ta e parti di entidad. Aki tambe a bolbe splica cu Hulanda ta keda den control di e entidad, y e motibo di esaki. “E organisacion di e entidad ta wordo paga cu placa di belasting di Hulanda” Knops ta sigui bisa. “Tambe tur medio financiero cu e entidad lo por suministra, sigur den prome instante, ta wordo paga completamente pa e ciudadano Hulandes. Y ta pesey e entidad ta wordo structura den un forma Hulandes (ZBO)” Knops ta sigui contesta. E pregunta a bin a base di e preocupacion di e partidonan politico Hulandes, pa loke ta e poder cu e entidad aki tin y si e islanan di Caribe tin poco ‘poder den dje’. Knops a sigura cu e miembronan di e entidad lo wordo nombra pa e minister di BZK, pero cu e ta dispuesto pa den e ley di reino, por tin ‘consulta’ cu e islanan riba e exigencia cu lo pone pa e miembronan di e entidad. 

ISLANAN NO TIN INFUENCIA

Segun Knops, a base di articulo 18, e gobiernonan di e islanan no tin influencia riba e nombracion di e expertonan pa e entidad. Di otro banda, esey no kier men cu lo por apunta un experto di ei islanan. “Si e entidad tin su mesun expertisio, e lo usa esaki. Si e no tine, e por huur e experticio aki, y esey por ta experticio di e islanan tambe. Lesa e carta completo AKI

  • Rotterdam (Hulanda) kibrando record Hulandes di COVID19

    Rotterdam (Hulanda) kibrando record Hulandes di COVID19

    ROTTERDAM – E ciudad portuario di Rotterdam ta kibrando tur record pa COVID. Asina e portal AD (Algemeen Dagblad) ta raporta diaranson. Ningun caminda tin asina hopi morto y 200 casoan positivo pa dia. Como tal Rotterdam ta kibrando record e dianan aki, si ta trata di e estadisticanan di e virus. Ya tin dos siman cu e cantidad di casonan positivo pa dia ta riba shen. E ultimo 4 dianan esaki ta te hasta riba 200. Y ningun caminda na  Hulanda, e virus ta mas mortal parce. Segun cifranan di RIVM te cu diaranson mainta 10’or (ora di Hulanda), e cantidad di contagio pa Rotterdam ta yega 98 28. Solamente na Amsterdam, e cifra ey, cu 3000 casonan positivo ta mas halto dentro di frontera Hulandes. Pero Maasstad tin 65 morto mas (365) cu den e capidal. Despues di Rotterdam, ta Schiedam, Vlaardingen e Capelle aan den IJssel ta e lugarnan di brote mas grandi di e region di Rotterdam. de grootste brandhaarden van de Rotterdamse regio. Potret cortesia Algemeen Dagblad (AD), Hulanda. 

  • Rutte: Uso di tapaboca den area publico na Hulanda recomenda urgentemente

    Rutte: Uso di tapaboca den area publico na Hulanda recomenda urgentemente

    DEN HAAG – Bistimento di tapaboca den lugarnan publico, ta desde awe un conseho urgente. Asina gabinete Rutte a informa diaranson, riba peticion di Parlamento Hulandes (Tweede Kamer). “Tapaboca no ta bin na lugar di tene distancia. Esey absolutamente no ta e idea”, Rutte a sigui bisa. E situacion na Hulanda ta di tal forma cu ta parce cu e brote ta bayendo for di control na varios ciudad, cu a pone cu mester a aumenta aun cu mas medida. No por a impone uso di e tapaboca y hacie obligatorio, debi na motibonan huridico. Potret cortesia RTL. 

  • Gabinete Rutte cu medidanan extra pa combati COVID19 na Hulanda

    Gabinete Rutte cu medidanan extra pa combati COVID19 na Hulanda

    DEN HAAG – Gobierno Hulandes dialuna a anuncia medidanan nobo relaciona cu e aumento di caso di coronavirus. Ta trata di hopi medida di limitacion. Entre nan, publico no ta permiti na competencianan deportivo, y negoshinan den Randstad por pidi clientenan pa bisti un tapaboca. Restaurant y cafenan clientenan mester bandona e lugar maximo10’or di anochi. Ministernan Rutte y de Jongh a anuncia e medidanan nobo aki. 

  • Restonan di helicopter cu a cay na Aruba a yega Hulanda

    Restonan di helicopter cu a cay na Aruba a yega Hulanda

    BRABANT – E restonan di e helicopter military cu a crash na juli ultimo cerca di Aruba, a yega Hualnda. Asina ministerio di defensa a confirma diabierna. Manera ta conoci, dos militar tripulante a fayece durante e crash aki. A saca e restonan comienso di e luna aki for di awa, y a transporta nan cu bapor pa Hulanda. Y ayera a transporta esakinan riba caminda pa e base aereo Gilze Rijen na e parti norte di Hulanda. E intencion ta cu e accidente lo keda investiga mas alew pa Inspectie Veiligheid Defensie (IVD). Tambe e Onderzoeksraad voor Veiligheid (OVV) ta investiga e causa. 

  • Cantidad di contagio na Hulanda di COVID19 a pasa 100 mil diaranson

    Cantidad di contagio na Hulanda di COVID19 a pasa 100 mil diaranson

    AMSTERDAM – E Cantidad di contagio pa COVID19 na Hulanda a subi diaranson te 100.597. Esey ta un aumento di 2357 compara cu diamars y un record nobo pa dia. E cantidad di casonan di hospitalisacion a aumenta entre diamars mainta y diaranson mainta cu 32 y e cantidad di casonan di morto cu 5. E ultimo 7 dianan tabatin mas di 14 mil persona cu a test positivo pa coronavirus na Hulanda.  

  • Casonan di COVID19 na Hulanda ta sigui surpasa 2000 pa dia

    Casonan di COVID19 na Hulanda ta sigui surpasa 2000 pa dia

    DEN HAAG – Den ultimo 24 ora na Hulanda, tabatin 2250 caso nobo positivo di COVID19 raporta. Asina e director di RIVM Jaap van Dissel a bisa den Tweede Kamer diamars. Mientrastanto den practicamente henter Hulanda e cifra di reproducicion, e cifra cu un persona por contagia, ta riba 1.38. Pues un persona por contagia mas cu un persona. Mas of menos 1 miyon persona a experencia un infeccion na Hulanda segun van Dissel. Ademas e ta papia di efectonan di e di dos ola loke cu Hulanda ta experenciando. E ta calcula cu entre 60 y 100 mil Hulandes ta infecta cu e virus. E cantidad di contagion ta sosodiendo den e edad di 25-29 aña mas hopi. Y pa loke ta e hospitalisacion, esaki ta den e edad 55-59. E cantidad di casonan ta menos cu na comienso di maart, pero ta suficiente pa riba termino largo, tuma medidanan. Hendenan a dicidi di bira laks y no tabata tene nan mes mas na e reglanan. 

  • Powered by SETAR