Cantidad di caso hospitalisa pa COVID19 na Aruba a subi cu 6

ORANJESTAD – Mientras cu e cifra di casonan positivo pa dia na Aruba a baha cu 2, te na 88 caso, e cantidad di persona interna den hospital pa COVID19 a aumenta cu 6 persona diaranson. E cifra di hospital ta confirma cu tin 8 persona den ICU (diaranson tabata 7), y e cantidad riba piso ta 24 (e tabata 19). Cu esaki e situacion ta sigui alarmante, aunke cu DVG a bisa caba cu nan a spera un aumento. De hecho, nan a spera mas caso, y diaranson a bisa cu e casonan toch tabata menos cu a spera. Esey no ta kita afo cu e ta hopi, si tene na cuenta cu tin 60 espacio pa COVID19. Relaciona cu esaki tambe, gobierno a re-introduci e Toque de Queda entrante diabierna mei anochi te 5’or pa dos siman largo. E motibo ta cu kier logra evita cu casonan di trauma (accidente, violacion y otro tipo di trauma), cuminsa yena e espacio cu tin pa COVID19, y sigur e parti di ICU.